Sawal la giled’a 10:8 - Bible azumeina

⁸ Nga mi ngei tam huyok azina, nga mi tchi suma bei zlad’a kazi ba na, iram nga d’i d’us dudurup ata suma hohoud’a.

Sawal la giled’a 10:8 Referans Kwoze

Habakuk 3:14

Ang tchok yam amul mazina ki yeû mazid’a tata; azi suma nga b’at tazi d’igi babarâ na á pleyêmina, a nga siwel ki furîd’a guguguk, a nga tchi suma azi nga kad’enga kazina gumunu.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

1 Samuel 22:18

Ata yi máma amulâ mi de mi Dowek ma Edom-ma ala: Ang mbut irang ang tchi suma ngat buzu ndazina woyo. Mi mbut iram mi tchazi mi, mi tchi suma a tchuk baru d’a efod’a atazina kur bur máma ni dok klavandi yam vahl.

Wana ni Zla d’a Djivi d’a Luc mi b’irita 8:1

Bugola, Jesus nga mi i kur azì ma nglona ki ma gureina, nga mi tchi wal Zla d’a Djivi d’a yam leud’a hAlonid’a. Suma hat suma dogo yam mbàna a nga ki sed’emu.

Sawal la giled’a 94:6

Azi nga tchi arop suma modonod’a kangoyogeina woyo, azi nga tchi suma hokuyod’a woi mi.

Sawal la giled’a 17:11

A nga tchid’in asenu, a nguyun wa, a nga tin irazi kan á kazlan kä andaga

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

1 Samuel 23:23

Agi halagi ad’ud’a, agi wagi yima mi ngei kuana. Bugola, agi mbeyegi geven ki zla d’a irata, an mba ni i ki sed’egiya. Mi le nga ni kur ambasa ni, an mba ni halam aduk ablau d’a Juda-d’a pet.

Wana ni Zla d’a Djivi d’a Luc mi b’irita 10:1

Bugol zla ndata, Salad’a mi man suma hat suma dingâ dok kid’iziya yam mbà. Mi sunuzi mbàmbà avorom á i kur azina ki yima lara ge pet ma mam tam min i kuana.

Suma ka sariyad’a 9:25

Suma Sikem-ma a tchuk suma, a burum kä yam ahinad’a yat ta ked’iwurenga, a nga yo ahlena hi suma a nga kal kur lovot ndatina. Wani a mba de zla ndata mi Abimelek.

Wana ni mbaktumba hi Job-pa 24:14

Ma tchi matna nga mi tchol akulo ki pipira á tchi suma houd’a ki suma kid’aka woyo, mi kul andjege mi.

Zla d’a d’ogolâ 24:15

Ar ang bur kä gumun á b’lak azina hi sama d’ingêrîna d’oze á b’lagam yam ma burâ woi d’igi sama asa’atna na d’i.