Sawal la giled’a 10:14 - Bible azumeina

¹⁴ Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Sawal la giled’a 10:14 Referans Kwoze

Sawal la giled’a 68:5

Agi hlagi sawala mAlona, agi gilem simiyêmu, agi minigi lovota mi ma nga kaka yam d’ugulina; simiyêm ala Ma didina, agi lagi furîd’a avoromu.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Wana ni mbaktumba hi Oze-d’a 14:3

Amul ma ngol ma Asiri-na mba mi sud’umi d’i, ami mba fulumi yam akulumeina d’i, ami mba dami mi sun nda ami lat kabomid’a ala: Nda’î alo mamina d’uo d’a. Kayam ni ang ba, we hohowa ma hokuyod’a.

Jeremi 49:11

Agi aragi grogi suma hokuyod’a, ni an ba ni wuluziya. Agi aragi arop magi suma modonod’a a tin huruzi kanu.

Sawal la giled’a 55:22

Vunam ma ded’a ni mbulâ, wani kurum krovo nayî ma durâ. Zla mam mba ded’a tugung tang d’igi mbulâ na, wani ti ni d’igi mbigeu d’a fiyak ka pad’at tei kur aziyata na.

Gat ta a hat á mbàd’id’a 10:18

ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na.

1 Pierre 5:7

Agi tchugugi ahle suma a hagi djib’erina pet kamu, kayam mam nga mi ngomogiya.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Jeremi 51:56

Ma b’lak yina nga mi djï yam Babilon, grang matna a nga yoziya, agu yeû mazid’a nga d’i kus seyo. Kayam Ma didina nAlo ma mi we á sä atchugulina, nga mi wurak nge nge pî yam sun mam mba mi lata.

Jeremi 16:17

Kayam iran nga tinda yam tit mazid’a, ti nga ngeid’a iran ndi, tchila mazid’a nga vita iran nduo mi.

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Sawal la giled’a 35:22

Ma didina, ang wahle ndazina, ang kak mudjuk ki; Ma didina, ang wal lei dei ki sed’en nduo mi.

Sawal la giled’a 22:11

Kur vut manda dei, a han nabong angû; ata yima an vutna, angî Alo mana.

2 Sunda Hamuleinid’a 6:23

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

2 Amuleina 9:26

Ma didina mi dala: Ata yima ang tchi Nabot ki groma kamina an we. Kayam ndata, an mba ni ngobong yam tcho mang ndata kur asine máma. Jehu mi de kua ala: Kayam ndata, ang hlum ang gum kur asine máma d’igi Ma didina mi de na mi.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Ad’u Tinda 21:17

Alona mi hum del gorâ; malaikana hAlonina mi yi Agar ei akulo, mi dat ala: Agar, vama la’î me ge? Ndak le mandar ri, kayam Alona mi hum del gorâ ata yima mi nga kuana.

Ad’u Tinda 31:12

Mi dan ala: Ang hle irang akulo, ang gol mbekmbere suma d’udjo suma a nga nga yam aho’îna pet, suma tazi d’udjod’a kikringâ, suma tazi d’udjod’a ndundub’u’â ki suma tazi d’udjod’a tchetchefâ, kayam an we vama Laban mi langzina.

Buzuk ka Abud’a 2:25

Alona mi we Israel-lâ, mi djib’er kaziya.

Buzuk ka Abud’a 22:22

Agi lagi atcha d’a modono d’oze gor ma hokuyo ndaka d’i.

Buzuk ka Abud’a 22:26

Le ndragina mi dengêgi baru mam mba ngola ni, agi hulongômzi bei afata nika,

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

2 Sunda Hamuleinid’a 24:22

Amulâ Jowas mi djib’er nga yam djivi d’a Jehojada Zakari abum mi lat ki sed’emba d’i, mi tchi goroma Zakari. Ata yima Zakari nga mi lá matnina, mi dala: Ar Ma didina mi we, mi djop ad’u zla ndata ni mamu!

Sawal la giled’a 31:8

Yam djivi manga, an mba ni le furîd’a ki hur ma hapma, kayam ang wan hohou manda, ang we a’alî d’a atan krovod’a mi.

Sawal la giled’a 68:6

Alo ma nga kaka kä ata yam ma mi tinim iram vamina nabu suma hokuyod’a, ni ma ndjun arop suma modonod’ina mi.

Zla d’a d’ogolâ 15:25

Ma didina nga mi to azina hi suma a subur tazina woyo, wani nga mi hle ir hagad’a hatcha d’a modonod’a akulo.

Hor ma tchina 3:59

Ma didina, ang we tcho d’a azi landjid’a. Ang kan wa sariya manda.

Hor ma tchina 3:60

Ang watchugul mazi d’a azi sandjid’a pet, ang we vun mazi ma ndjak ma azi ndjagam kan adjeuna pet mi.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.