Wana ni mbaktum mba a b’irit yam Rut-ta 1:6 - Bible azumeina

⁶ Naomi ti hum sä Mowap ala: Ma didina mi we wa hohowa sum mama, mi hazi wa tena ngola mi. Ata yi máma ti min tat á hulong yam ambas mata kakuniyôtna.

Wana ni mbaktum mba a b’irit yam Rut-ta 1:6 Referans Kwoze

Sawal la giled’a 132:15

An mba ni b’e vunan yam Siyon, an mba ni he tena mi sum matna, an mba ni hop mat suma hohoud’a.

Sawal la giled’a 111:5

Nga mi he tena mi suma a nga lum mandarama, nga mi djib’er yam vun mam ma djinda burâ ki burâ mi.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Wana ni Zla d’a Djivi d’a Luc mi b’irita 19:44

Azi mba b’lagagi woi ki sum magina pet, a mba ar ahina yam ndrat akulo d’i, kayam me agi wagi nga bur ma Alona mi mba á ndjunugina d’i.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Matiye 6:11

Ang hami ini te mami ma burâ ki burîna.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Isai 55:10

Alo ma sed’a ki nesâ a nga yagï kä, a nga hulong bei rap andagad’a d’i, a nga mbud’ut tub’ad’a, a nga deî ahlena, a nga ba bei handjafâ mi sama zara d’i, a nga ba bei he tena mi sama nga mi tena d’uo mi.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Sawal la giled’a 146:7

Nga mi ka ir zlad’a hi suma a nga djobozi vunazina, nga mi he tena mi suma meid’a nga d’i tchazina mi. Ma didina mi tchuk suma dangeina akulo,

Sawal la giled’a 145:15

Ahlena pet a tin huruzi ni kangû, a tin irazi ni kang angû; ni ang ba, nga hazi tena ata yamu.

1 Samuel 2:21

Ma didina mi djib’er yam Anne, ti vut gro andjofâ kua hindi, gro aropma mbà mi. Wani Samuel nga mi wul avok Ma didina.

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

Ad’u Tinda 48:15

Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

Ad’u Tinda 28:20

Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka,

Ad’u Tinda 21:1

Ma didina mi djib’er yam Sara d’igi mam dadjeu na, mi le ki sed’et d’igi mam de na.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

1 Timote 6:8

Wani le ei nga ki tena ki baruna miyu ni, ndageya.

Sawal la giled’a 147:14

Nga mi mba ki b’leng nga halasa yam ambas maka, nga mi hobok kawu ma djivi ma kalâ mi.

Zla d’a d’ogolâ 30:8

Ang walan ndei ki zla d’a hawa yaka ki zla d’a kad’a. Ang han houd’a d’uo mi na, ang han ndjondjoîd’a d’uo mi. Ang han ni te ma ndagana hol.

Wana ni mbaktum mba a b’irit yam Rut-ta 1:5

Malon azi ki Kiliyon a bo zla tazi djak; Naomi ti ar kaka vat bei grona, bei ndjufâ mi.

Wana ni mbaktum mba a b’irit yam Rut-ta 1:7

Azi tchol ata yima azi nga kuana, a i ad’u tazi á i yam ambas sa Juda-d’a.

Sawal la giled’a 102:14

Ang mba tchol akulo á we hohowa Siyon, kayam ni bur ma wat hohowotna. Gagazi, bur matna ndak wa da’!

Joel 2:19

Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.