Wana ni mbaktum mba a b’irit yam Rut-ta 1:21 - Bible azumeina

²¹ An tchol ka hî ni kahlena abon oîd’a, wani Ma didina mi hulongônï abon hawa. Agi yan ala Naomi d’uo d’a, kayam Ma didin ma ad’engêm kal petna mi mbud’un hohoud’a; hat hur mana mi tcholï natamu.

Wana ni mbaktum mba a b’irit yam Rut-ta 1:21 Referans Kwoze

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 16:8

Iran nda mi lugud’ondjid’a, nga d’i le glangâsâ kanu, it mana nga mi tchugun zlad’a kan ala zlad’a nga kanu.

Wana ni mbaktumba hi Job-pa 13:26

Kayam ang b’ir zla d’a asa’ata kä kan á kak djangûna ki sed’enu, ang nga ndumun tchila man nda kazongôn deid’a kanu.

Wana ni mbaktumba hi Job-pa 10:17

Ang mba ki glangâs ma dingâ á kak djangûna ki sed’enu, ang nga zal hurung kan avogovogo, azigar mangâ a ndjak vunazi kan á durun ayîna mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Wana ni mbaktumba hi Job-pa 30:11

Wani nAlona ba, mi mbud’un amangeîd’a, mi hulongôn yan kä. Kayam ndata, a kus djama d’a d’elezi lovotid’a woi avoronu.

Wana ni mbaktum mba a b’irit yam Rut-ta 1:13

agi ndak á djup gro ndazina djeng mazid’a bei ve mandjuf ma ding zu? Akuniyôna, nga na d’i! Agi wagiya, hur ma hat mana kal magina, kayam ni Ma didina ba, mi mbud’un hohoud’a.