Wana ni mbaktum mba a b’irit yam Rut-ta 1:1 - Bible azumeina

¹ Ni kur atchogoi d’a suma nglo suma avok Israel-lîna a nga te leud’id’a ba, baktarad’a ti nde yam ambasa. Sama Betelehem ma kur ambas sa Juda-d’ina kamamba ki grom suma andjofâ mbà, a mber á i kak yam ambas sa Mowap pa tub’ad’a ndjö.

Wana ni mbaktum mba a b’irit yam Rut-ta 1:1 Referans Kwoze

Ad’u Tinda 12:10

Baktarad’a nde yam andaga d’a Kanan ndata. Abram mi i mbeid’a yam ambas sa Ezipte-d’a á kak sä kua ndjö, kayam baktarad’a nga kur andaga ndata ngola heî.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Suma ka sariyad’a 17:8

Mi tchol avo Betelehem yam andagad’a hi Juda-d’a á i kak ata yima mam ndak á kak kuana, mi nga kur tita gak mi mbaza yam ahinad’a hi Efraim-mba avo hi Mika.

Sunda hi suma hi Levi-nid’a 26:19

Kur ad’eng magi d’a agi nga suburugi ki tagid’a, an mba ni hulongôgi yagi kä, an mba ni b’al alona akulo kagi kiki; andaga magid’a mba d’i sira ad’enga kiki mi.

Ad’u Tinda 43:1

Baktarad’a nga d’i le suma ngola yam ambas sa Kanan-nda.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Sawal la giled’a 105:16

Alona mi ar baktarad’a ti nde yam andagad’a, mi d’el vun ahle mazi suma tena pet.

Gat ta a hat á mbàd’id’a 28:38

Agi mba zaragi awuna ngola kur asinegiya, wani agi mba dud’ugi nakid’eid’a, kayam me djera mba d’i b’lagam mbeyo.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Jeremi 14:1

Wana ni zla d’a Ma didina mi dat mi Jeremi yam baktarad’id’a. Mi dum ala:

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

1 Amuleina 18:2

Elie mi i á tak tam mbei avok Ahap. Baktara d’a avo Samari-d’a kal ngola heî.

Suma ka sariyad’a 12:8

Bugol matna hi Jefte-na, Ipsan ma Betelehem-ma mi vrak ma ngolâ avok Israel-lâ.

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

Suma ka sariyad’a 17:7

Gor azong ma ad’u andjafâ hi Levi-nina mi nga avo Betelehem mba yam andagad’a hi Juda-d’id’a.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.

1 Sunda Hamuleinid’a 2:54

Wana nandjafâ hi Salma-na: Suma Betelehem-ma, suma Netofa-na, suma Atrot-Bet-Jowap-ma, suma Hasi-Hamanati-na, suma Sora-na,