Romê-na 9:29 - Bible azumeina

²⁹ D’igi Isai mi de adjeu na ala: Ladjï Ma didin ma ad’engêm kal petna mi arei andjavei hina nde d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Romê-na 9:29 Referans Kwoze

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Jeremi 50:40

Ma didina mi de kua ala: Babilon mba d’i mbut ni d’igi azì ma Sodom-ma kazì ma Gomor-râ kazì ma nglo ma nguyuzi suma an b’lagazi woi adjeuna na. Sa mba mi kak kua d’i, sa tu pî mba mi kak kua d’uo d’a.

Jeremi 49:18

Ma didina mi dala: A mba b’lagam mbei d’igi a b’lak azì ma Sodom-ma kazì ma Gomor-râ kazì ma nglo ma nguyuma woi adjeu na, a mba fe sama kak kur ri. Sa tu pî mba mi kak kua d’i.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

Sofoni 2:6

Ambas magi d’a avun alum ma ngolîd’a mba d’i mbut ni yima te hatna, mba d’i mbut ni yima burâ hi suma polîna, mba d’i mbut ni kangâna hi d’uwarîna mi.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!