Romê-na 8:31 - Bible azumeina

³¹ Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Romê-na 8:31 Referans Kwoze

Sawal la giled’a 118:6

Ma didina mi nga kanu; an nga ni ring mandar ri. Suma a mba lan ni me ge?

Jeremi 1:19

Azi mba durung ayîna, wani azi mba kus kang ngi, kayam an nga zlapa ki sed’eng á sud’ung ngeyo. An Ma didina ni de na.

Sawal la giled’a 56:11

Alona, an nga ni gileng yam zla d’a ang data. Gagazi, Ma didina, an nga ni gileng yam zla ndata.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Sawal la giled’a 56:4

Bur ma mandarâ mi lana, an tin hurun ni kangû.

Ndumba 14:9

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

Romê-na 4:1

Ei mba dei yam abui ngolo Abraham ma kur hliunina ala mi fe ni me ge?

1 Amuleina 8:57

Ki tchetchemba, an nga ni tchen Ma didina Alo meina mi kak ki sed’ei d’igi mi kak kabuyoi ngolo na, mi arei woi d’uo mi na, mi noyoî woi d’uo mi.

2 Amuleina 6:16

Elise mi hulong dum ala: Ang ring mandar ri! Suma a nga ki sed’eina, ablau mazid’a kal suma a nga ki sed’ezina.

1 Sunda Hamuleinid’a 5:22

A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.

Sawal la giled’a 56:9

Ang we tcha man nda tata d’a, ang ve simi mana kur gugura. Ang b’irim nga kä kur mbaktum manga d’uo zu?

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Jeremi 42:11

Ar agi lagi mandarâ abo amul ma Babilon ma agi nga lum mandarama d’i. Agi lum mandaram mbi, kayam an nga ki sed’egi á sud’ugi woi abomu. An Ma didina ni de na.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

1 Sunda Hamuleinid’a 19:15

Kid’a suma Amon-na a we suma Siri-na a wet ringâ hina d’a, azi tazi a wet ringâ avok Abisai Jowap wiyema mi, a tchuk avo hataziya. Jowap mi hulong avo Jerusalem.