Romê-na 8:26 - Bible azumeina

²⁶ Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Romê-na 8:26 Referans Kwoze

Matiye 10:20

Kayam ni agi ba, mba dagi d’i, wani ni Muzu’â hAbugi ma nga kurugina ba, mba mi zud’ugi á ded’a.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Jean 14:16

An mba ni tchen Abunu, mam mba mi hagi Ma ndjun ma ding ma mba mi kak ki sed’egi gak didina.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Sawal la giled’a 6:9

Agi suma lagi tchod’ina pet, agi hud’ugi sä woi dei gevenu, kayam Ma didina mi humun wa delen nda tchina.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.

Romê-na 15:1

Ei suma ad’enga kur he gagazid’ina, ar ei ndjuni suma amangeîna á zizi amangeî mazid’a. Ar ei halei ni vama mi lei tei djivid’ina d’i.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

2 Korente-na 5:4

Ata yima ami nga kur zlub’u ndata tua na, ami nga zamami tami d’igi sama nga mi zi anekina na, nala, ami min fogomi hliwimi ma yam andagad’ina woyo d’i, wani ami min tchugumi hliu ma akulona atamiya, kayam arid’a kal yam matna.

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

2 Korente-na 5:2

Ki tchetchemba, ami nga zamami tamiya, kayam ami tami nga lami zlezleû á kalami kur yami ma kak ma sä akulona.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Sawal la giled’a 102:5

An mbut ni d’igi asu ma a ngad’am mi so woina na, an mar yam te mana mi.

Sawal la giled’a 6:3

Ma didina, ang wan hohowonu, kayam an ni ma bei ad’enga; Ma didina, ang sud’unu, kayam an nga ni zlaga.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

Romê-na 7:24

Ni zla d’a hohoud’a kanu! Sama mba mi pad’an ndei kur hliwin ma in kur matnina ni nge ge?

Sawal la giled’a 69:3

An nga ni rot kä aduk dorbopma, nga ni fe yima ad’eng ma ni tin asena d’i. Gola! An nga aduk galileina, abilâ nga mi hlanu.

Sawal la giled’a 102:20

Ei akulo dei Ma didina mi mbud’ï iram á gol yina. Ei kur yi mam ma bei tchod’a ba na, mi mbud’ï iram kä yam andagad’a

Wana ni mbaktumba hi Job-pa 37:19

Ang tagami vama ami ndak á dumzina, ami ndak á dum va d’i abo bei we mamid’a.

Hor ma tchina 3:56

Ang hum yi manda ala: Ar ang tos humang ngei á hum zam ta manda ki yi manda d’uo d’a d’i.