Romê-na 8:11 - Bible azumeina

¹¹ Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

Romê-na 8:11 Referans Kwoze

2 Korente-na 4:14

Ami wami ala mam ma tchol Salad’a Jesus akulo aduk suma matnina, mba mi tcholomi zlapa ki Jesus. Mam mba mi ndami woi avorom zlapa ki agi mi.

2 Korente-na 4:11

Kur kak mamid’a, ami navun matna yam Jesus, kayam ami tagami ari mamba woi ata hliwimi ma matna.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

1 Korente-na 6:14

Alo ma tchol Salad’a akulo aduk suma matna karid’ina, mba mi tcholei akulo karid’a kad’eng mamba mi.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Ezekiyel 37:14

An mba ni fo Muzuk mana kurugiya, agi mba kagagi karid’a. An mba ni siragi sideyegi kä yam andaga magid’a, agi mba wagi ala an Ma didina ni de zlad’a, ni le sunda kat mi! An Ma didina ni de na.

Vama ndum mbeina 11:11

Wani bugol bur ma hindi ki nusina, muzuk ka ari d’a tcholï ata Alonid’a mba d’i kal kuruziya, a hulong tchol akulo. Suma a golozina pet a le mandarâ ngola.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Korente-na 15:16

Le suma matna a mba tchol akulo d’uo ni, Christ mi tchol nga akulo d’uo mi.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Romê-na 6:12

Ar tchod’a ti te leud’a yam hliwigi ma matna d’i, ar agi gagi yagi kä ad’u d’od’ok mamba d’uo mi.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

2 Korente-na 5:4

Ata yima ami nga kur zlub’u ndata tua na, ami nga zamami tami d’igi sama nga mi zi anekina na, nala, ami min fogomi hliwimi ma yam andagad’ina woyo d’i, wani ami min tchugumi hliu ma akulona atamiya, kayam arid’a kal yam matna.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:12

Kayam ndata, b’oziyona, ei nga nad’u ad’enga hi sa mei ma adjeuna á lei min mamba d’uo d’a.

Romê-na 16:3

Agi gagi Prisil ki Akila ndron suma sunda hi Jesus Christ-sâ depa.

Romê-na 16:7

Agi gagi Andronikus ki Juniyas suma ala nandjavan ni ndron suma dangeina na depa mi. Azi ni suma suma a sunuzina a nga yorozi heîna. Azi he gagazid’a navoron mi.

Romê-na 16:9

Agi gagi Urbain ndrei ma sunda hi Christ-sâ zlapa ki banan ma an le kam heîna Estasis depa mi.

Romê-na 16:10

Agi gagi Apeles ma a kugum yam Christ-sâ depa. Agi gagi suma avo hi Aristobul-lâ depa.

Galat-na 6:8

Kayam sama zar yam minda hi sa mam ma adjeunid’a, mba mi fet ni vuta hi sa mam ma adjeunid’a, ni matna. Wani sama mi zar yam minda hi Muzu’â hAlonina, mba mi fet nari d’a didinda.