Romê-na 7:18 - Bible azumeina

¹⁸ An wala vama djivi mi nga kurun ndi, nala, kur sa man ma adjeuna. Wani le an min á le djivi d’a nga kurunda pî, an ndak á lat ti.

Romê-na 7:18 Referans Kwoze

Jean 3:6

Sama sana mi vud’uma ni sana, sama Muzu’â hAlonina mi vud’uma ni hi Muzu’îna mi.

Sawal la giled’a 51:5

Kayam an we tchila manda, an nga ni djib’er yam tcho manda teteu.

Galat-na 5:17

Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i.

Romê-na 7:25

An le mersi mAlona yam Jesus Christ Saleina. Hina, an tanda nga ni le sunda kur gata hAlonid’a ki djib’er manda, wani kur sa man ma adjeuna, an nga ni le sunda ni kur gata hi tchod’id’a.

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Romê-na 7:19

Kayam djivi d’a an min lata, an nga ni lat ti, wani tcho d’a an min lat tuo d’a, an nga ni lad’u.

Romê-na 7:15

An nga ni wäd’u vama an nga ni luma d’i, kayam an nga ni le vama an minim á led’ina d’i, wani vama an minim mbuo na, an nga ni lumu.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

Filip-ma 3:12

An nga ni dala: Vama an nga ni digima, an vum wa da d’oze an ndak wa memed’u na d’i. Wani an nga ni ring á ve va máma, kayam Jesus Christ mi van wa mi.

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Sawal la giled’a 119:176

An vit tei d’igi timi ma vit teina na; ang halan an azong mangâ, kayam an mar nga yam vun mang ma hed’a d’i.

Sawal la giled’a 119:40

Gola! Tan nga d’i lan djivid’a yam gat manga, ang han arid’a yam d’ingêr manga mi.

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Sawal la giled’a 119:173

Ar ang mad’ï abong ang ndjununu, kayam an man ni gat manga.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Sawal la giled’a 119:5

Ar tit manda ndak memet kayambala an ngom gat manga d’a.

Sawal la giled’a 119:32

An nga ni ring kur lovota hi vun mang ma hed’id’a, kayam ang b’lengên hurunu.