Romê-na 7:14 - Bible azumeina

¹⁴ Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Romê-na 7:14 Referans Kwoze

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

Romê-na 7:18

An wala vama djivi mi nga kurun ndi, nala, kur sa man ma adjeuna. Wani le an min á le djivi d’a nga kurunda pî, an ndak á lat ti.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Zla d’a d’ogolâ 30:5

Zlad’a hAlonid’a pet ni zla d’a ndak memeta. Mam mi mbareid’a hi suma a ngei tazi atama.

Sawal la giled’a 119:25

An nga ni ged’a kä aduk andaga d’a gugud’upa; yam zla manga ang tcholon akulo.

Wana ni Zla d’a Djivi d’a Luc mi b’irita 7:6

Jesus mi i ki sed’eziya. Kid’a mi mba go kazinid’a, ma ngol ma azigarâ abom kisâ, mi sunï buniyôma gen Jesus á dum ala: Salamina, ang kau tang ngi, an ndak nga á ang kal avo hatan ndi.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Matiye 18:25

Wani mi nga ki vama wurak ki. Salama mi he vuna ala a guzum mbei kamamba ki groma kahligiyem pet á wurak ki bal mama.

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Amos 2:6

Ma didina mi dala: Israel-lâ a nga i avogovok kur tchod’a wan pî, an mba ni djok vunan yam zla d’a an data d’i. Azi gus suma d’ingêrâ woi yam kawei ma hapma, a gus ma houd’a woi yam atuguru ma ir tchuka tuna,

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Zla d’a d’ogolâ 30:2

Gagazi, lili manda kal suma pet, an nga ki wad’ud’a d’igi sana na d’i.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Buzuk ka Abud’a 22:3

Wani le ni faleya ni, sama tchuma zlad’a nga kamu. Ar ma kul máma mi wuraga. Le va nga abom mbuo ni, a guzum mbei yam kul mamba.

Ad’u Tinda 40:15

Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.

Ad’u Tinda 37:36

Wani suma Madiyan-na a gus Josef fei Ezipte abo Potifar azong ma ngolâ hi Faron-na, ni ma ngolâ hi azigar suma a nga ngom amulîna mi.

Ad’u Tinda 37:27

Ei i guzuzi woi abo suma Ismael-lâ, ei tini aboi atam mbi, kayam mam mi wiyeina; ni hliwi mi. B’oziyoma a humumu.

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Galat-na 4:3

Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Sunda hi suma hi Levi-nid’a 13:12

Le libina mi buzuk kei atam pet, tinï ad’ud’a kam akulo dei i kä asemu, ata yima lara ge pet ma ma ngat buzu máma

Sunda hi suma hi Levi-nid’a 13:16

Le tam mba hleu d’a ndundub’uk ndata, le d’i mbut hapa ni, mi i gen ma ngat buzuna.