Romê-na 6:9 - Bible azumeina

⁹ Kayam ei wei ala Christ mi tchol akulo aduk suma matna, mi dok mi mit tuo d’a, matna nga kad’enga kam mbuo d’a.

Romê-na 6:9 Referans Kwoze

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Romê-na 5:14

Wani bugol atchogoid’a hi Adam-mba gak mba ata atchogoid’a hi Moise-sa, matna mi te yam suma; matna mi te yam suma tcho mazid’a ti nga ni d’igi tchila d’a Adam mi tchila yam gata hAlonid’a na d’uo na mi. Adam ni vama taka yam mam ma nga mi mbana.

Hebre-na 7:16

Wani mam mbut ma ngat buzuna ni yam minda hi sumid’a d’i, wani mi mbut ma ngat buzuna ni kad’enga hari d’a bei dabid’a ba d’a.

Romê-na 6:4

Kur batem meid’a, a tozei zlapa tu ki sed’em kur mat mama. D’igi Christ mi tchol akulo aduk suma matna karid’a kad’eng nga subura hAbumba na, hina mi, ei tid’i ni kur ari d’a awilid’a mi.

Romê-na 6:10

Kayam mat ma mi mitna, mi mit ni yam tu yam tchod’a, wani ari d’a mi nga ki sed’et ki tchetchembid’a, mi kak arid’a ni yam Alona.