Romê-na 6:7 - Bible azumeina

⁷ Kayam sama mit teina mi nga ad’u ad’enga hi tchod’id’a d’uo d’a.

Romê-na 6:7 Referans Kwoze

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 7:4

Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.

Romê-na 7:2

Le atchad’a ti ve mandjufâ ni, gata ti djinit ki ndjuvut kid’a mi nga ki iramba. Wani le ndjuvut mi mid’a ni, ti but wa woi kur djin nda gata ti djinit ki ndjuvuta.

Romê-na 6:8

Wani le ei boi woi zlapa ki Christ-zu ni, ei hei gagazid’a ala ei mba kagei karid’a zlapa ki mam mi.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.