Romê-na 6:23 - Bible azumeina

²³ Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 6:23 Referans Kwoze

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Ezekiyel 18:20

Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Romê-na 5:21

D’igi tchod’a ti te leud’a ni yam matna na, hina mi, sumad’a hAlonid’a nga d’i te leud’a ni yam d’ingêra á ï kur ari d’a didinda yam Jesus Christ Saleinid’a na mi.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Ad’u Tinda 2:17

wani ang te vud’agu ma tak we djivid’a ki tchod’ina d’i. Bur ma ang le tum wa ni, ang mba mid’a.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Romê-na 5:17

Wani le ni yam tchilad’a hi sama tunid’a ba, matna mi te yam suma ped’u ni, kal pet suma Alona mi vazi sumad’a ngola ki he d’a hawa d’a d’ingêrina a mba te leud’a karid’a yam sama tu ma a yum ala Jesus Christ-sâ kal luo zu?

Romê-na 6:16

Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

1 Jean 2:25

Wana ni vama Christ mi hle vunam kam á heizina: Nari d’a didinda.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Zla d’a d’ogolâ 11:19

D’ingêra ti i ki sana ni kur arid’a, wani sama nga mi tit bugol tchod’ina, mi i ni kur matna.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Jean 4:36

Sama duta nga mi fe wurak mamba, nga mi tok ira ni yam ari d’a didinda, kayam sama zara ki ma duta a zlap le furîd’a tu.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.

Romê-na 8:6

Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi.

Romê-na 8:13

Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a.

Romê-na 8:38

Kayam an we tetet ala matna, d’oze arid’a, d’oze malaika suma tetengâ, d’oze suma te yam suma sä akulona, d’oze vama tchetchema, d’oze vama nga mbana, d’oze ad’eng nga tetenga,

Romê-na 8:39

d’oze ad’eng nga teteng nga sä akulod’a, d’oze ad’eng nga teteng nga ad’u andagad’a kä d’a, d’oze vama ding ma Alona mi lum ma mba ndak á walei woi ki od’a hAlona d’a mi lat kei yam Jesus Christ Saleinid’a nga d’i.