22 Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.
Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.
B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.
Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.
Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.
Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.
Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.
Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,
Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.
An le mersi mAlona yam Jesus Christ Saleina. Hina, an tanda nga ni le sunda kur gata hAlonid’a ki djib’er manda, wani kur sa man ma adjeuna, an nga ni le sunda ni kur gata hi tchod’id’a.
Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.
Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.
Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.
Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.
Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.
Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.
Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.
Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?
Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.