Romê-na 4:20 - Bible azumeina

²⁰ Wani mi he gagazid’a yam vun ma hle ma Alona mi hlumzina bei gigrita ba. Nga mi sira ad’enga kur he gagazi mamba, nga mi gile Alona mi.

Romê-na 4:20 Referans Kwoze

Wana ni Zla d’a Djivi d’a Luc mi b’irita 1:45

Ndak le furîd’a kayamba ndak he gagazid’a yam vama Salad’a mi daksina ala mba mi le d’a.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Wana ni Zla d’a Djivi d’a Luc mi b’irita 1:18

Wani Zakari mi de mi malaikana ala: Ahle ndazina a mba le ni nana ge? Kayam me ami kamanda djengêmi mamara da’.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Daniel 11:32

Mam mba mi lop suma a nga d’engzeng yam vun ma djin ma Alona mi djinim ki sed’ezina d’uo na ki vunam ma mbulâ. Wani suma d’engzeng yam Alo mazinina pet, a mba tchol ad’enga ngingring yam zla mazid’a.

2 Amuleina 7:19

Wani azigar ma ndjun amulîna mi dum ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, ang mba tum mbi!

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Ad’u Tinda 15:6

Abram mi he gagazid’a yam Ma didina; ni kayam ndata ba, Alona mi ndumum ala ni sama d’ingêrâ.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.