Romê-na 4:19 - Bible azumeina

¹⁹ Bizamî go ki kis. Ata yima mi gol tam d’igi sama matna na amamba Sara ndak á vut gor ruo na pî, tam tchuk nga lus yam he gagazi mamba d’i.

Romê-na 4:19 Referans Kwoze

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Matiye 14:31

Atogo hina zak, Jesus mi mat abom mi vum mi dum ala: Ang ma gagazi manga akid’eid’ina, ni kayam me ba, ang le hurung mbàmbà ge?

Matiye 8:26

Jesus mi dazi ala: Agi suma he gagazi magi d’a akid’eid’ina, ni kayam me ba, agi lagi mandarâ hina ge? Ata yi máma, mi tchol akulo, mi ngop babarâ ki mbiyo apod’a. Yina mi tchol b’et mi.

Matiye 6:30

Le Alona nga mi tchuk baru ma djivina masu ma ini ndjivin a mba tchugum kur gring ma akud’ina na ni, mba mi tchugugi baruna atagi kal luo zu? Agi ni suma he gagazi magid’a akid’eid’ina.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

Matiye 14:29

Jesus mi dum ala: Ang mbeya. Pierre mi tchuk asem mbei kur alumba, nga mi tit yam mbina á i gen Jesus.