Romê-na 4:16 - Bible azumeina

¹⁶ Kayam Alona mi hlum vunamî yam he gagazid’a, kayam ti ka’î d’igi he d’a hawa mamba na yam andjafâ hi Abraham-ma pet; nga ni yam suma a ge yazi kä ad’u gatina hol li, wani ni yam suma a he gagazid’a d’igi Abraham na na. Mam nabui pet,

Romê-na 4:16 Referans Kwoze

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Galat-na 3:22

Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.

Romê-na 9:8

Nala, gro suma a vud’uzi kur hliunina nAlona groma d’i, wani ni gro suma a vud’uzi yam vun ma hle mámina ba, a ndumuzi ala nandjafâ hi Abraham ma gagazina.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Romê-na 15:8

Kayam an nga ni dagi ala Christ mi mbut ma sunda hi Juif-fîna á ndak vun vun ma hle ma Alona mi hlum mi Abraham, mi Isak ki Jakob memetna á tak woi abu ala Alona ni Ma d’engzengâ,

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Wana ni Zla d’a Djivi d’a Luc mi b’irita 19:9

Jesus mi dum ala: Suta mba wa ini kur azì ma wana, kayam mam mi Abraham gorom ngolona mi.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

Galat-na 3:14

Christ mi le hina kayam b’e vun ma Alona mi hle vunam mi Abraham kama, mi mba yam andjaf suma dingâ ni yam Jesus Christ. Kayam ndata, Alona mi hei Muzuk mam ma mi hle vunam kama ni yam he gagazi meid’a.

Galat-na 3:16

Ni hina ba, Alona mi hle vunam mi Abraham kandjavamu. Mi de hina ni yam andjavam ma ablauna d’i, wani mi dala: Ad’u andjavangû, nala, ni sama tuna, ni Christ.