Romê-na 3:29 - Bible azumeina

²⁹ Nani Alona nAlona hi Juif-fîna hol zu? Mam mAlona handjaf suma dingîna mi d’uo zu? Gagazi, mam mAlona handjaf suma dingîna mi.

Romê-na 3:29 Referans Kwoze

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Galat-na 3:14

Christ mi le hina kayam b’e vun ma Alona mi hle vunam mi Abraham kama, mi mba yam andjaf suma dingâ ni yam Jesus Christ. Kayam ndata, Alona mi hei Muzuk mam ma mi hle vunam kama ni yam he gagazi meid’a.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 10:12

Ni hina ba, wala nga aduk Juif-fâ kandjaf suma dingâ d’i, kayam azi pet, Salazina ni tu. Nga mi hahle mam suma djivina mi suma a nga yuma pet.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Sunda hi suma a sunuzinid’a 26:17

An mba pad’ang ngei abo Juif-fâ ki suma ding suma an mba ni sunung atazina.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Matiye 22:32

An nAlona hi Abraham-ma, Alona hi Isa’â, Alona hi Jakob-ma mi d’a d’uo zu? Alona nAlona hi suma arinina, nga nAlona hi suma matnina d’i.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 67:2

Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

Sawal la giled’a 22:7

An mbut ni d’igi ndjuvulâ na, an ni sa d’i; suma a ngulunu, suma a golon is mi.

Ad’u Tinda 17:18

Abraham mi de mAlona ala: Ang ar Ismael va mi lum avorong ngi!

Sunda hi suma a sunuzinid’a 10:34

Pierre mi mal vunam mi dala: An we gagazi Alona nga mi pat sana ni yam iram go d’i.