Romê-na 3:25 - Bible azumeina

²⁵ Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Romê-na 3:25 Referans Kwoze

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Romê-na 5:9

Ki tchetchemba, Alona mi mbud’i suma d’ingêrâ avorom yam buzuna hi Christ ma mi djang ngeina. Wani kal pet, Christ mba mi sud’i woi kur ayîna hAlonina mi.

Sunda hi suma a sunuzinid’a 17:30

Kur atchogoi d’a bei wed’a, Alona mi gol suma ta, wani ki tchetchemba, mi he vuna ata yina pet ala suma a mbut huruzi yam tcho mazid’a.

Hebre-na 10:4

Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Hebre-na 11:14

Azi suma a nga de hina na a tak kei ala azi halî ambas mazid’a.

Sawal la giled’a 119:142

D’ingêr manga ni d’a didinda; gat manga ni d’a gagazid’a mi.

1 Jean 1:10

Le ei dei ala: Ei lei nga tchod’a d’uo ni, ei mbut Alona ni ma ka zlad’a, zla mamba nga kuri d’uo mi.

Hebre-na 11:17

Ni yam he gagazid’a ba, Abraham mi he goroma Isak vama ngat buzuna ata yima Alona kuguma. Ni Abraham ma Alona mi hlum vunama ba, mi he gorom ma tu gid’engâ vama ngat buzuna.

Hebre-na 9:5

Yam zanduk máma akulo, tcherebê suma subura mbà a nga. Azi tak kei ala Alona tamba nga kua. A bar gigingâzi yam yima Alona mi vat hurum mbei yam tchod’a hi sumid’a kuana. Ki tchetchemba, yina mi ndak nga á vami ad’u ahle ndazina tutu pet ti.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Romê-na 3:26

Wani ki tchetchemba, Alona mi tak kei ala mam mi Ma d’ingêrâ, kayam mam min ala mi mbut suma pet suma a he gagazid’a yam Jesus-na d’ingêr mi.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Jean 6:47

Gagazi, an nga ni dagiya, sama he gagazid’a kana, mi nga kari d’a didinda.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Sawal la giled’a 97:6

Akulod’a nga d’i de woi yam d’ingêr mamba, suma yam andagad’ina pet a nga we subur mamba mi.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Sawal la giled’a 40:10

An nga ni tchi wal zla d’a irata aduk toka hablau sumid’a, an nga ni duk vunan ndi. Ma didina, ang we.

Sunda hi suma hi Levi-nid’a 16:10

Mi tchol ma togina nde kam á hum mi Azazel-lâ avogon an Ma didina á zlup yam tchod’a, á digim mbei abagei hur fulâ mi Azazel.

Sawal la giled’a 98:2

Ma didina mi nde sut mamba woyo, mi tak d’ingêr mamba woi ir andjaf suma.

Sunda hi suma a sunuzinid’a 14:16

Kur atchogoi d’a kala, mi ar andjaf ma lara ge pet mi nga mi tit kur lovot mamba.

Romê-na 5:18

Wani d’igi sariyad’a ti mba yam suma pet ni yam tchilad’a hi sama tu ma a yum ala Adam-ma na, hina mi, sun nda d’ingêra hi sama tu ma a yum ala Jesus Christ-sâ, ti pat zlad’a woi kaziya, ti hazi arid’a mi.

1 Korente-na 5:7

Ar agi pad’agi anguf fa adjeud’a woyo, kayam agi mbud’ugi yed’et d’igi afut ta awili d’a bei angufid’a na. Kayam vun til mei ma Pa’â mi tin ad’ud’a nata yima a ngat Christ d’igi Gor timi mei ma Pa’â na na.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 2:13

Wani ki tchetchemba, yam Jesus Christ, agi suma adjeu woi deina, Alona mi hud’ugï wa go ki buzuna hi Christ-sâ.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.