Romê-na 3:19 - Bible azumeina

¹⁹ Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:19 Referans Kwoze

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Romê-na 3:9

Na ni ei Juif-fâ, ei kalei suma dingâ zu? Nga na d’i! Kayam an tagagi woi ala Juif-fâ ki suma dingâ pet a nga ni ad’u ad’enga hi tchod’id’a.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Galat-na 5:18

Wani le agi nga tid’igi yam minda hi Muzu’â hAlonina ni, agi nga ad’u gata d’i.

1 Korente-na 1:29

Kayam ndata, sa tu pî mi ndak á subur tam avok Alona d’i.

Romê-na 3:23

Suma pet a le tchod’a, a kid’ak kei ata subura hAlonid’a mi.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Galat-na 4:21

Agi danu, agi suma min á tid’igi yam gatina, agi humugi nga zla d’a gata ti data d’uo zu?

Galat-na 4:5

kayam mi pat suma a nga ad’u gatina woyo, kayam ei mbud’i Alona groma mi.

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Jean 8:9

Kid’a azi hum hina d’a, azi pet a buzuk kei tutu, tin ad’ud’a ata suma nglona gak mba yam ma danan kisâ, a ar Jesus vam tu katcha ndata tchola avoromu.

Wana ni mbaktumba hi Job-pa 5:16

Wani suma talala a nga ki hur ma tinda, suma murud’umba a du’î vunazi akulo.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Romê-na 3:2

Vama ngol ma kal petna. Alona mi he zla mamba ni mi Juif-fâ adjewe.

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Sawal la giled’a 63:11

A mba tchazi ki mbigeu d’a fiyaka, a mba mbut ni vama ved’a hi ngûnina.