Romê-na 3:12 - Bible azumeina

¹² Azi pet a mbut azigazi mAlona, azi pet a vit teyo. Sama le djivid’a nga d’i, tu pî nga d’i.

Romê-na 3:12 Referans Kwoze

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Isai 59:8

Agi wagi nga lovot ta halasa d’i, agi nga tid’igi kur lovot ta gagazid’a d’i, agi tid’igi ni kur lovot ta gunda. Sama nga mi tit kuana nga mi we halasa d’uo mi.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Ma tchi wala 7:29

Vama an fuma ba wana: Alona mi le suma ni d’ingêr, wani azi pet ni suma mbut ira.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

Filemon 1:11

Adjeu mam mi va atang ngi, wani ki tchetchemba mam mi va atang ki anu.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Ad’u Tinda 1:31

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Matiye 25:30

Agi gagi azong ma tcho máma woi abu kur nduvunda. Ni yima suma a mba tchi a mba mut siyazi kua ngolina.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Sawal la giled’a 53:3

Alo ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Romê-na 3:11

Sama wad’u nga d’i, sama hal Alona nga d’uo mi.

Romê-na 3:13

Horzlom delezi ni d’igi asu d’a vunat nga mala woid’a na. A nga lop suma ki zla mazid’a, zla d’a de d’a avunazid’a ni d’igi ayî mageid’a na,