Romê-na 2:29 - Bible azumeina

²⁹ Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

Romê-na 2:29 Referans Kwoze

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

Romê-na 7:6

Wani ki tchetchemba, ei boi wa woi ata gat ta djini kä d’a, ei bud’i wa woi kur gata. Hina, ei lei sun nda awilid’a mAlona ni yam ad’enga hi Muzuk mamid’a, wani nga ni yam ad’enga hi gat ta adjeu d’a a b’irita d’i.

Romê-na 2:27

Wani sama bei ngat bayâd’a, le mi ge yam kä ad’u gata ni, mba mi ka sariyad’a kang ang ma ngat bayâd’a ma ge nga yang kä ad’u gat ta nga b’ir ra kur mbaktumbid’a d’uo na.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

Jean 12:43

Ni kayam azi min ni subura hi sumid’a kal subura hAlonid’a.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Wana ni Zla d’a Djivi d’a Luc mi b’irita 11:39

Wani Salad’a mi dum ala: Agi Fariziyêna, agi mbuzugi huyok kopma ki tazana, wani hurugi oîd’a ki kula ki murud’umba.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Jean 4:23

Wani yina nga mba, ki tchetchemba, mi mba wa, ata yi máma, suma kud’or suma gagazina a mba kud’or Abud’a ni kur muzu’â ki gagazid’a mi, kayam Abud’a mi min ni suma hina na á kud’uromu.

Wana ni Zla d’a Djivi d’a Luc mi b’irita 17:21

A mba dala: Mi kä wana, d’oze, Mi sä wana na d’i. Agi wagiya, leud’a hAlonid’a ti nga adigagiya.

Sawal la giled’a 45:13

Suma Tir-râ a mba mba ki he d’a hawa mazid’a, suma ndjondjoî mazid’a kal teglesâ a mba hal djivi maka.

Jeremi 9:25

Ma didina mi dala: Burâ nga mi mba, an mba ni mba á ngop suma a ngat bayâ d’a lop ir sumid’ina,

Romê-na 3:1

Na ni Juif-fâ a kal suma dingâ ni ki me ge? Bayâ d’a ngata djivi mata ni me ge?

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.