Romê-na 2:27 - Bible azumeina

²⁷ Wani sama bei ngat bayâd’a, le mi ge yam kä ad’u gata ni, mba mi ka sariyad’a kang ang ma ngat bayâd’a ma ge nga yang kä ad’u gat ta nga b’ir ra kur mbaktumbid’a d’uo na.

Romê-na 2:27 Referans Kwoze

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

Romê-na 8:4

Hina, le ei nga tid’i bugol sa mei ma adjeuna d’uo wani le ei nga tid’i ni bugol Muzu’â hAlonina ni, ei ndak á lei vun ma djinda hi gatina memet kuriya.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

Hebre-na 11:3

Ni yam he gagazid’a ba, ei wei ala Alona mi landagad’a kahle suma sä akulona ni ki zla d’a avunamba. Kayam ndata, ahle suma ei nga wazi ki ireina, Alona mi mbud’uzi kahle suma ei nga wazi ki irei d’uo na.

Galat-na 5:14

Kayam gata tok ahlena pet ni kur vun ma he ma tu máma ala: Ang le yam ndrangâ d’igi ang tanga na.

Romê-na 13:10

Sama nga mi le od’ina nga mi le ndrama tcho d’i. Kayam ndata, od’a nga d’i ndak vun gata memet.

Romê-na 2:20

Ang nga hat suma bei wed’a, ang nga hat gugureina, ang we tetet ala wed’a ki gagazid’a a nga ni kur gata.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Romê-na 2:15

Tit mazid’a nga d’i tak sunda hi gata d’a nga b’ira kuruzid’a woyo, djib’er mazi d’a kuruzid’a nga d’i tagazi hina mi. Djib’er mazid’a nga d’i vazi ki zlad’a, nga d’i pad’azi woi kur zlad’a mi.

Romê-na 2:25

Le ang ge yang kä ad’u gata ni, bayâ mang nga ngata ni djivid’a kangû. Wani le ang tchila yam gata ni, bayâ mang nga ngata mbut ni vama hawana.

Romê-na 2:26

Kayam ndata, le sama bei ngat bayâd’a nga mi ge yam kä ad’u vun ma hed’a hi gatina ni, Alona mi dok ndumum sama bei ngat bayâd’a d’ei zu?

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.