Romê-na 2:16 - Bible azumeina

¹⁶ Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

Romê-na 2:16 Referans Kwoze

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sunda hi suma a sunuzinid’a 10:42

Mi hami vuna ala ami tchami wala mi suma, ami dami woi kam ala mam mi ma Alona manam á ka sariyad’a yam suma arina ki suma matnina.

Wana ni Zla d’a Djivi d’a Luc mi b’irita 8:17

Kayam vama nga ngeid’a ma a mba ndum mbei pid’ak kuo na nga d’i, vama gumun ma a mba ndum mbei pid’ak kuo na nga d’uo mi.

1 Pierre 4:5

Wani azi mba hulong zla mazi d’a ded’a mAlo ma nga mi min tam á ka sariyad’a yam suma arina ki suma matna mi na.

Romê-na 3:6

Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.

1 Timote 1:11

Ni hat ta an fat ni kur Zla d’a Djivi d’a subur ra Alo ma djivina mi handjid’a.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Ma tchi wala 3:17

An de kurun ala: Alona mba mi ka sariyad’a yam sama d’ingêrâ ki sama asa’atna djak, kayam mi nga nga yina yam ahlena pet, yam sun nda lara ge pet mi.

Sawal la giled’a 96:13

kayam nga mi djïya! Nga mi djï á ka sariyad’a yam andagad’a, mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Galat-na 1:11

Kayam ndata, b’oziyona, an nga ni dagi woi mbak, Zla d’a Djivi d’a an nga ni tchat walata ni d’a hi sa d’i.

1 Korente-na 15:1

B’oziyona, ki tchetchemba, an min gagi humagi yam Zla d’a Djivi d’a an tchagizi walat ta agi vata. He gagazi magid’a nga d’i sira kat ngingring mi.