Romê-na 12:20 - Bible azumeina

²⁰ Wani d’igi mbaktumba hAlonid’a ti de na ala: Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi. Hina wani, ni d’igi ang togomî gordjona kam na.

Romê-na 12:20 Referans Kwoze

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Wana ni Zla d’a Djivi d’a Luc mi b’irita 6:27

Jesus mi had’azi kua ala: An nga ni dagiya, agi suma nga humuna, agi lagi yam magi suma djangûna, agi lagi djivid’a mi suma a nga noyôgina.

2 Amuleina 6:22

Elise mi hulong dum ala: Ang tchazi d’i! Ang nga tchi azigar suma azigar mangâ a yozï avun ayî ma durîna d’i. Kayam ndata, ang hazi avuna a te, ang hazi mbina a tche mi, ang arazi a hulong gen salazina!

1 Samuel 26:21

Saul mi dala: An le tchod’a! Gorona, ang mbeya; an dok lang va d’uo d’a, kayam ang we ini ari manda zlat ngola irangû. An ni lahlena ni d’igi sama lilid’a na, an le tcho d’a ngola.

Sawal la giled’a 140:10

Ar suma a nguyuna zla d’a tchod’a ndavunazid’a, ti hulong kaziya.

Sawal la giled’a 120:4

Mba mi ngobogi ni ki yeûd’a hi ma dur ayînid’a ki gordjo ma akud’a mi.

Ad’u Tinda 42:25

Bugola, mi he vuna mazong mama ala mi oyôzi awuna kur bud’omei mazina, mi hulong beged’a hi nge nge pî kur bid’im mamba, mi hazi te ma glovotna mi. Mi le hina mi.

Romê-na 12:21

Ar tchod’a ti kuzugi d’i, wani agi kuzugi tchod’a ki djivi d’a led’a.