Biblia Todo Logo
Bib sou entènèt

- Piblisite -




Romê-na 11:28 - Bible azumeina

28 Ni yam Zla d’a Djivid’a ba, Juif-fâ a mbut suma djangûna kAlona kagiya. Wani yam man nda Alona mi manazid’a, mi le kazi ngola ni yam abuyozi ngolo.

Gade chapit la Kopi




Romê-na 11:28
24 Referans Kwoze  

Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na.


Ni nana ge? Vama Israel-lâ a halama, a fum nga d’i. Wani suma Alona mi manazina, a fumî azi hol. Suma hiuna a b’al huruziya.


Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!


Ni kayam ndata ba, an nga ni dagiya, Alona mba mi hle leu mamba woi abogiya, mba mi hat mandjaf ma mba mi le sun nda Alona mi minitina. [


An nga ni djop ala: Ata yima Juif-fâ a dap asezina, a pu’î kä ki irazi fafad’u zu? Nga na d’i! Wani ni yam tchila mazid’a ba, suma dingâ a fe ki suta, kayam Juif-fâ a le yungôra kaziya.


Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.


Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.


Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.


Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.


Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.


Adjeu agi ni suma bei hum vun Alona. Wani ki tchetchemba, Alona mi wagi hohowogi yam bei hum vuna hi Juif-fîna.


Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.


Wani Juif-fâ a nga hum zla mamba d’i, a nga ngulumu. Kayam ndata, mi gas baru mama woyo, mi dazi ala: Le agi bagi woyo ni, ni tcho magid’a; zla nga kan ndi. Ki tchetchemba, an nga ni i ata andjaf suma dingâ.


Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.


Mi mba á ndjun azong mama Israel, mi mar nga á tak we hohou mamba woi


Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.


An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,


Swiv nou:

Piblisite


Piblisite