Romê-na 11:27 - Bible azumeina

²⁷ Fata an mba ni hlazi tcho mazid’a woid’a, an mba ni djin vunan ki sed’eziya.

Romê-na 11:27 Referans Kwoze

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Hebre-na 10:16

Ma didina mi dala: Wana ni vun ma djin ma an mba ni djinim ki sed’ezi bugol bur mámina: An mba ni tin gat manda kuruziya, an mba ni b’irit kur djib’er mazi d’a kuruzi krovod’a mi.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.