Romê-na 10:17 - Bible azumeina

¹⁷ Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.

Romê-na 10:17 Referans Kwoze

Galat-na 3:2

an nga ni djobogi va tu. Na ni agi fagi Muzu’â hAlonina ni yam sunda hi gat ta agi lata, d’oze ni yam Zla d’a Djivi d’a agi humut ta agi hagi gagazid’a kata zu?

Galat-na 3:5

Ata yima Alona mi hagi Muzuk mamina, mi lahle suma ndandalâ adigagi ni yam sunda hi gat ta agi lata, d’oze ni yam Zla d’a Djivid’a agi humut ta agi hagi gagazid’a kata zu?

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Marik 4:24

Jesus mi dazi kua ala: Agi gologi tagi djivi ki vama agi humuma. Ni vama agi nga ngagi ki na ba, Alona mba mi ngagi ki mi.

Wana ni Zla d’a Djivi d’a Luc mi b’irita 8:21

Wani Jesus mi dazi ala: Asun azi ki b’oziyona ni suma a nga hum zlad’a hAlonid’a, a nga ge yazi kä ad’utna mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 10:14

Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge?

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

Wana ni Zla d’a Djivi d’a Luc mi b’irita 8:11

Jesus mi had’azi kua ala: Ad’u zla d’a d’ogol ndata ba wana: Andjafâ ni zlad’a hAlonid’a.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Wana ni mbaktumba hi Job-pa 42:5

Avoka an humung zlangî ki humanu, wani ki tchetchemba, an wang wa ki iranu!

Hebre-na 4:2

Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi.

Jean 1:37

Mam suma hat suma mbà ndazina, a hum zla mamba, a i ad’u Jesus.