Romê-na 10:14 - Bible azumeina

¹⁴ Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge?

Romê-na 10:14 Referans Kwoze

Wana ni mbaktum mba Paul mi b’irit mi Tit-ta 1:3

Wani ata yima mi ngama, mi nde zla mam mba mi handjid’a woyo. Zla ndata, an nga ni tchat walat yam vun ma hed’a hAlo ma sud’ina.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Sunda hi suma a sunuzinid’a 8:31

Mi hulong dum ala: An we ni nana bei sana tagandji ge? Mi de mi Filip ala mi djak akulo mi kak ki sed’em kur pusâ.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Sunda hi suma a sunuzinid’a 19:2

Mi djobozi ala: Kid’a agi hagi gagazid’id’a, agi fagi Muzuk ma bei tchod’a ba na ko zu? Azi hulong dum ala: Hawa! Ami humumi nga zlad’a hi Muzuk ma bei tchod’a ba nid’a yami tu d’i.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Jonas 1:16

Ata yi máma sum ndazina a le mandar Ma didina ngola, a ngad’am buzuna, a hlum vunazi mi.

Jonas 1:5

Ata yi máma suma a le sunda kur batod’ina a nde le mandarâ, nge nge pî nga mi yi alo mama ala mi ndjunumu. A nde yo ahle suma kur batod’ina, a nga tchuguzi woi kur aluma, kayam batod’a ti ar afefeta. Wani Jonas mi kal wa kä ad’u batod’a, mi bur sena d’ad’ak.

Jean 9:36

Sa máma mi hulong dum ala: Salana, mam mi nge ba, an he gagazid’a kam ge?

Efes-sâ 2:17

Hina, Christ mi mba, mi tchi wal Zla d’a Djivi d’a b’leng nga halasa mi agi andjaf suma ding suma woi deina, mi Juif suma go ki sed’ema mi.

Gat ta a hat á mbàd’id’a 30:13

Mi sä nabo alum ma ngolâ abo hî ba, agi mba dagi ala: Ni nge ba, mba mi djak alum ma ngolâ, mba mi veizï ei mba humum á lei sunda kam ge d’uo mi.

Matiye 20:7

Azi hulong dum ala: Kayam sa hami nga sun ndi. Mi dazi ala: Agi i lagi sunda kur asinen ma guguzlud’a mi.