Romê-na 1:22 - Bible azumeina

²² A nga subur tazi ala azi ni suma ned’a, wani a mbut ni suma lilid’a.

Romê-na 1:22 Referans Kwoze

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Zla d’a d’ogolâ 25:14

Sama mi nga mi subur tam yam he d’a hawa d’a mi hat nga d’uo tua d’a, mi ni d’igi d’ugul la simet ta nga d’i se alona d’uo d’a na.

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Matiye 6:23

Wani le irang nga lafiya d’uo ni, tang pet ni nduvunda mi. Le b’o d’a kurunga ti mbut nduvunda ni, angî kur nduvunda i’îlika.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.