Nehemi 9:36 - Bible azumeina

³⁶ Gola! Ini ami nga ni kur magomba! Ami nga ni kur magomba yam ambas sa ang hat mabuyomi kayambala a le furîd’a kahle mat suma djivina d’a.

Nehemi 9:36 Referans Kwoze

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Gat ta a hat á mbàd’id’a 28:48

agi mba lagi magomba mi magi suma djangû suma Ma didina mba mi sunuzi atagina ki meid’a ki vun ma sod’a ki gandilad’a. Agi mba kid’agagi woi ata ahlena pet. Ma didina mba mi gagi djuk ma kaweina kelegi gak agi mba dabagi woyo.

2 Sunda Hamuleinid’a 12:8

Hina pet pî, a mba ge yazi kä ad’umu, a mba we sun nda a lat ki anda, ki sun nda a mba lat mamulei suma dingîd’a mi.

Hor ma tchina 5:5

Suma a djobomi vunamina a nga tchola huyogomiya, ami seyêmiya, azi arami nga á tuk tami d’i.

Hor ma tchina 5:4

Ami mbut guzumi mbiyo mami ma tched’a ni ki beged’a, agu mamina tamba, ami mbut guzumizi ni guza.