Nehemi 5:9 - Bible azumeina

⁹ An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu?

Nehemi 5:9 Referans Kwoze

Sunda hi suma hi Levi-nid’a 25:36

Ar ang ve va abom ki mbina d’oze ang mbud’um iram kur fe mamba d’uo mi. Ang le ni mandara an Alo mangâ, ar wiyengâ mi kak ki sed’engû.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

2 Samuel 12:14

Wani kayamba ang le tchod’a ang he lovota mi suma djangûna hi Ma didina á lazam ba, gor ma Batseba ti vud’ungzina mba mi mit teyo.

Wana ni mbaktum mba Paul mi b’irit mi Tit-ta 2:5

á kak irazi sik, á ngom tazi ped’et, á le sunda djivid’a kur aziyaziya, á ge yazi kä ad’u andjuviyoziya, kayam suma a fe lovota á las zlad’a hAlonid’a d’i.

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.

Romê-na 2:24

Kayam mbaktumba hAlonid’a ti dala: Ni kayam agi Juif-fâ ba, andjaf suma dingâ a nga ngul Alona.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Ezekiyel 36:20

Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba.

Zla d’a d’ogolâ 24:23

Wana ni zla d’a tcholï ata suma ned’id’a: Nga djivid’a á ka ir suma ata yima ka sariyad’a d’i.

Zla d’a d’ogolâ 19:2

Bei wad’ud’a ni vama tchona yam sana, sama nga mi ve tam kei d’uo na, nga mi nde kur tchod’a.

Zla d’a d’ogolâ 18:5

Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Zla d’a d’ogolâ 17:26

Nga djivid’a á nga wuraka yam sama d’ingêrâ d’i, d’oze á to suma nglona yam d’ingêr mazid’a d’uo mi.

Zla d’a d’ogolâ 16:29

Sama murud’umba mi mbut ir ndrama, mi tinim kur lovot ta tchod’a.

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

Nehemi 4:4

Kayam ndata, an tchen Alona ala: Alo mamina, ang hum las sa a nga lazamid’a, ang hulongôzi ngul la azi nga ngulumid’a kaziya, ang ar suma a hurumuziya, a yozi magomba yam andaga d’a dinga.

1 Samuel 2:24

Grona, agi aragi zla ndata woyo. Ahle suma an nga ni humuzi kagi avun sumina nga djivi d’i. Agi ni zud’ugi suma hi Ma didinina á tchila yam gat mamba.

Ad’u Tinda 42:18

Kur bur ma hindina Josef mi dazi ala: An ni sama le mandara Alona; le agi min sud’ugi tagiya ni, agi lagi hina.

Ad’u Tinda 20:11

Abraham mi hulong dum ala: An djib’er ala suma ka hina a nga le mandara Alona d’i, a mba tchan yam amanda.

Nehemi 5:10

An ki b’oziyona kazungeî mana, ami hazi beged’a kawuna balâ mi. Ar ei vei ahle ndazina abozi d’i.

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.