Nehemi 3:15 - Bible azumeina

¹⁵ Salum Kol-Hoze gorom ma te yam andaga d’a Mispa-d’ina, mi min vun agrek ma iza ata mbiyo ma laud’ina, mi b’al aguna kua, mi minim yamu, mi b’al bapma avunamu, mi dugum akulo, mi wat kaweina latana kua mi. Bugola, mi min gulumuna hapo d’a Silowe-d’ina go kasinena hamulîna, gak mbaza ata yima djak akulo ma tcholï kur Azì ma ngolâ hi David-na mi i kä na.

Nehemi 3:15 Referans Kwoze

Jean 9:7

mi dum ala: Ang i mbus irang kur gring ma Silowe-na. Ad’ut nala, Suna. Kayam ndata, sama duka i mbus iramu, mi hulongî, nga mi we yina.

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.

Nehemi 12:37

A mbaza avun mbiyo ma laud’a, a nga irazi avok d’ingêr a djak ata yima djak akulo ma i kur Azì ma ngolâ hi David-na yam gulumun ma kal akulo yam gong nga amula hi David-tina gak a mbaza avun agrek ma i ki ata yima mbina ma abo ma yorogonina.

Wana ni Zla d’a Djivi d’a Luc mi b’irita 13:4

D’oze suma dogo yam klavandi suma gong nga fiyak ka akulo d’a Silowe-d’a ti dris kazi kä ti tchazina, agi djib’eregi ala azi ni suma tchona kal suma ding suma Jerusalem-ma zu?

Nehemi 2:14

An i iran avogo, an mba go ki vun agre’â hi mbiyo ma laud’a go kapod’a hamulîd’a, wani yina nga d’ala an kal ki koro ma an nga kama d’i.

Jeremi 40:6

Jeremi mi i gen Gedaliya Ahikam goroma avo Mispa, mi ar kaka ki sed’em aduk suma a ar kaka kur ambasina.

Nehemi 3:14

Malkiya Rekap gorom ma te yam andaga d’a Bet-Hakerem-mbina, mi min vun agrek ma a tchuk siligitna kuana, mi b’al aguna kua, mi b’al bapma avunamu, mi dugum akulo, mi wat kaweina latana kua mi.

Nehemi 3:12

Ma nga mi le sunda kazi zlapa ki grom suma aropmina ni Salum Halohes gorom ma te yam abo andaga d’a Jerusalem-mba arina.

Nehemi 3:9

Ma nga mi le sunda kazina ni Refaya Hur gorom ma nga mi te yam abo andaga d’a Jerusalem-mbina.

Nehemi 3:7

Suma a le sunda kazina ni Melatiya ma Gabawon-na, Jadon ma Meronot-na zlapa ki suma Gabawon-na ki suma Mispa-na; azi min gulumuna gak mbaza ngagad’a yam gonga hi ma te yam ma sä abo alum ma Efrat-na abo ma fladegenina.

2 Sunda Hamuleinid’a 32:30

Ezekiyas mi tozï ir mbiyo ma Gihon ma akulo ata yima ndingîna, mi ngomï iram djangâ kä ad’u andagad’a abo ma fladegena hAzì ma ngolâ hi David-na. Ezekiyas sun mamba ti labom djivid’a pet.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Suma ka sariyad’a 20:3

Suma hi Benjamin-na a hum ala Israel-lâ a mba nga Mispa. Israel-lâ a dala: Agi damiya, ahle ndazina ad’uzi ni nana ge?

Suma ka sariyad’a 20:1

Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.

Nehemi 2:17

Ata yi máma an dazi ala: Agi wagi hohou d’a ei nga kurut wanda. Jerusalem ti b’lak wa woyo, vun agrek matna mi ngal wa woi mi. Agi mbeyegiya, ei minïgi gulumun matna akulo, ar zulona mi lei d’uo d’a.

Nehemi 3:19

Ma nga mi le sunda kama ni Ezer Josue gorom ma te yam andaga d’a Mispa-d’ina. Mi min yima ding ma ngagad’a yam yima djak akulo ma i ki kur azì ma a tchuk ahle suma ayîna kuana, nata yima gulumuna mi kong kuana.

Ma tchi wala 2:6

An ka golongeîna kurum teteng á rap mbina yam agu ma a pum awilina.

2 Samuel 5:9

David mi ar kaka kur azì ma ad’eng ma ngungu máma, mi yum ala Azì ma ngolâ hi David-na. Mi nguyum mbei ki gulumun ma minda, tinï ad’ud’a bugol Milo dei gak krovo mi.