Nehemi 3:1 - Bible azumeina

¹ Ma ngol ma ngat buzuna Eliyasip ki b’oziyom suma ngat buzuna a tchol a min vun agre’â hi tumiyônina, a b’al bapma avunamu, a tinim iram vamu, a min gulumuna ei ata vun agrek máma dei gak mba ata gong nga ndjola hi Meya-d’a, a tinim iram vamu, a minim gak a mbamza ata yima ndjola hi Hananel-lâ.

Nehemi 3:1 Referans Kwoze

Nehemi 12:39

Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna.

Jeremi 31:38

Ma didina mi de kua ala: Gola! Burâ nga mi mba. Kur bur máma a mba hulong min azì ma ngolâ akulo yam an Ma didina. Mba tinï ad’ud’a ata gong nga fiyak ka akulod’a hi Hananel-la yam gulumun ma ngui azì ma ngolîna dei gak mba ata vun agrek ma gulumuna mi kong kuana.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Zla d’a d’ogolâ 3:9

Ang he ngola mi Ma didina ki bege manga kahle mang suma a ne avo’â ki suma a vut avo’â pet mi.

Nehemi 13:28

Jojada gorom ma dingâ tu ni ma ngol ma ngat buzuna Eliyasip gorom ngolona, mam mi Sanbalat ma Horon-na akunoma. Kayam ndata, an digim mbei dei ki sed’en avo Jerusalem.

Nehemi 3:32

Suma yor lora ki suma mbut abozina a nga le sunda aduk gong nga fiyak ka akulo d’a ata kengîd’a ki vun agre’â hi tumiyônina.

Zla d’a d’ogolâ 3:6

Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Sawal la giled’a 30:1

Ni sawal la David mi hlat ki furîd’a á mal vun gong mambid’a.

Nehemi 12:30

Suma ngat buzuna ki suma hi Levi-na a mbut tazi yed’et, a mbut ablaud’a yed’et pet mi, a tin vun agre’â ki gulumuna irazi vazi mAlona mi.

Nehemi 7:1

Kid’a gulumuna dap minda, an duk bapma avunam akulo mi d’a, an tin suma ngom vun gongîyona, suma hle sawala ki suma hi Levi-na kur sun mazid’a.

Nehemi 6:1

Ata yima an duk nga bapma avun agre’â d’uo tua na, Sanbalat ki Tobiya ki Gesem ma Arap-ma ki mami suma djangû suma dingâ a hum ala an min wa gulumuna akulo, hod’ol mamba ar nga d’uo mi.

Nehemi 3:20

Ma nga mi le sunda kama ni Baruk Zabai goroma. Mi min yima dingâ, mi ge sun ndata akud’a kekeng, mi tinï ad’ud’a ata yima gulumuna kong kuana dei gak mbaza ata azina hi ma ngol ma ngat buzuna Eliyasip.

Gat ta a hat á mbàd’id’a 20:5

Bugola, suma nglo suma avok suma durîna a de zlad’a mi suma ala: Ni nge mi min azì ma awilina mi bur nga kur ruo tua ge? Ar mi hulong avo hatamu, tala a tchum avun ayîna kat ba, sama ding mi bur kur ruo d’a.

Nehemi 12:10

Josue mi vut Jojakim, Jojakim mi vut Eliyasip, Eliyasip mi vut Jojada,

Sawal la giled’a 48:12

Kayam sariya mang nga kad’a suma Siyon-na a le furîd’a, suma kur azì ma Juda-na a aî ki hur ma hapma mi.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Nehemi 3:21

Ma nga mi le sunda kama ni Meremot Uri gorom ma Hakos gorom ngolonina. Mi min yima dingâ tinï ad’ud’a avun azina hi Eliyasip ma dei gak mbaza ata dabid’a hazina hi Eliyasip-ma.

Nehemi 13:4

Avok ahle ndazina ma ngat buzuna Eliyasip ma a tinim á ngom hur gong nga kud’ora hAlo meinid’ina, mam mi sumad’a ki Tobiya,