7 Ang tinizi irazi vazi ni hina: Ang yamazi mbiyo ma a zlup ki yam tchod’ina kaziya, a wel tumus sa atazid’a woi pet, a mbus baru mazina woyo, a mbut tazi woi yed’et.
Sama lara ma mi do mad’a sana mi mbut nga tam yed’et tuo na, mi mbut ni zlub’ud’a hi Ma didinid’a ndjendjed’a. Sa máma a mba pad’am mbei aduk Israel-lâ, kayam a yamam nga mbiyo ma mbut ki suma yed’etna kam mbi. Mba mi arî kaka ki ndjendjed’a na, ndjendje mamba ti arî kaka hina mi.
An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.
Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.
Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.
Le buzuwa aho’â ki buzuwa amuzlei suma andjuveina ki butna hamuhl hla weid’a suma azi nga yamazi yam suma a mbut ndjendjed’ina á mbud’uzi woi yed’et avok Alona kur hliuna ni,
An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.
Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?
Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.
Sama lara ma mi kak yam vama sama mbil máma mi kak kama, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.
Jakob mi de mi suma avo hatama ki suma a nga zlapa ki sed’ema ala: Agi tchugugi filei ma nga avo hatagina woyo, agi mbud’ugi tagi yed’et, agi tchugugi baru ma dingâ atagiya.