Ndumba 6:25 - Bible azumeina

²⁵ Ar Ma didina mi tin iram kagiya, mi wagi hohowogi mi!

Ndumba 6:25 Referans Kwoze

Sawal la giled’a 80:19

Hina wani, ami mba walami woi ki sed’eng nguo d’a; ang hami arid’a, ami mba yangî ang simiyêng tu go.

Sawal la giled’a 119:135

Ang tin irang kan an azong mangâ, ang had’an gat manga.

Sawal la giled’a 31:16

Bur mana pet nabongû, ang pad’an ndei abo man suma djangûna, abo suma a nga djobon vunana mi.

Sawal la giled’a 67:1

Ni sawal la gile d’a a hlat kadingâ a hat mi ma ngolâ hi suma hle sawalina.

Daniel 9:17

Alo mamina, ki tchetchemba, ang hum tchen nda hud’a hi an azong mangîd’a. Salad’a, yam o manga, ang tin irang yam gong mang nga a tinit irat vat ta a b’lagat teid’a.

Sawal la giled’a 80:7

Ang mbud’umi ni suma hal huneîd’a ir ndromina, mami suma djangûna a nga lazami mi.

Buzuk ka Abud’a 33:19

Ma didina mi de mi Moise ala: An mba ni tagang djivi manda woi avorong pet, an mba ni yang simiyên an Ma didina woyo, an mba ni ve sumad’a ki sama an min vum sumad’ina, an mba ni we hohowa sama an min wum hohowoma mi.

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

Ad’u Tinda 43:29

Josef mi hle iram akulo, mi we wiyem ma asuma Benjamin, mi djobozi ala: Ni wiyegi ma gor ma agi dan fata kam máma zu? Mi de mi Benjamin ala: Gorona, Alona mi ndjunungû!

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Sawal la giled’a 86:16

Ang mbud’ï irang kanu, ang wan hohowonu, ang had’eng manga mi an azong mangâ, ang ngomon an wei manga gorotna.

Sawal la giled’a 21:6

Kayam ndjun manga, subur mamba ti kal ngola, ang hum ngola, zlam nde yina mi.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

Sawal la giled’a 4:7

Suma ablaud’a a nga dala: Ni nge ba, mba mi tagami djivid’a ge? Ma didina, ang tinï irang kamiya.