Ndumba 6:2 - Bible azumeina

² Ang i de mi Israel-lâ ala: Ma didina mi dala: Le atchad’a d’oze mandjufâ mi hle vunam á tin tam irat vat á le sun nda a yat ala Nazir-ra ni,

Ndumba 6:2 Referans Kwoze

Suma ka sariyad’a 13:5

kayam ndak nga d’i ve wirâ, ndak mba d’i vut gor mandjufâ, a mba tinim vel kam mbi. Kayam gor máma a mba tinim iram vam mAlona ei ni kuruk dei. Ni mam ba, mba mi tin ad’ud’a á sut Israel-lâ woi abo suma Filistê-na.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Zla d’a d’ogolâ 18:1

Sama nga mi zlap ki ndram mbuo na, mi halî djivi mamba tata. Hurum nga mi zal yam zla d’a irat ta lara ge pet mi.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

Suma ka sariyad’a 16:17

Mi hat hurum pet, mi dala: Sa mi tinin nga vel kan ndi. Kayam a tinin iran van mAlona ei ni kur asun dei. Le a welen yan ndeyo ni, ad’engên ti nga d’uo, an mbut namangeîd’a, an mba mbut ni d’igi suma dingâ pet na mi.

Sunda hi suma hi Levi-nid’a 27:2

Ang i de mi Israel-lâ ala: Le sana mi hle vunam á he sana mi an Ma didina, le bugol mi min á sut tam yam vun ma hle máma ni, mi ndumî gusa hi sa mámid’a, mi hat mi an Ma didina, mi sut tamu.

Sunda hi suma hi Levi-nid’a 20:26

Agi kagagi ni man suma yed’etna, kayam an Ma didina ni Ma bei tchod’ina. An walagi kandjaf suma dingâ ni kayambala agi kagagi ni sum mana d’a.

Buzuk ka Abud’a 33:16

Le ang i nga ki sed’emi d’uo ni, ni nana ba, a mba wala ang wan hohowon ki sum mangâ ge? Ni tit ta ang tit ki sed’emid’a ba, a mba wala ang tinimi irami vami woi ki suma yam andagad’ina d’uo zu?

Sunda hi suma a sunuzinid’a 18:18

Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Ndumba 6:1

Ma didina mi de mi Moise ala:

Suma ka sariyad’a 13:4

Ki tchetchemba, ndak gol tak djiviya, ndak tche süm guguzlu d’oze süm ma ayî d’i, ndak te vama ndjendje d’uo mi,

Jeremi 35:6

Wani azi hulong dan ala: Ami nga tchami süm guguzlu d’i. Kayam abumi Jonadap Rekap goroma mi hami vuna ala: Agi tchagi süm guguzlu d’uo mi na, grogina a tche süm guguzlu d’uo mi.

Ndumba 30:3

Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.

Suma ka sariyad’a 13:14

Ti te vud’a guguzlud’a d’uo mi na, ti tche süm guguzlu d’oze süm ma ayî d’uo mi, ti te vama ndjendje d’uo mi. Ar ti ngom tat yam ahlena pet suma an hat vuna kazina.