Ndumba 4:11 - Bible azumeina

¹¹ A bar baru d’a botlozid’a yam yima ngal dubang ma his djivid’a ma a gulud’um ki lorina, a d’ud’um ki baru ma duburok ma a lum ki bak azar ma aduk mbina kä ma a yum ala dofênina, a nik agu mam ma murgulina ata b’alangâ.

Ndumba 4:11 Referans Kwoze

Buzuk ka Abud’a 40:5

Ang tin yima ngal dubang ma his djivid’a ma lora avok zanduk mana, ang ge baru d’a ka ira avun zlub’u d’a a tinit irat vata.

Buzuk ka Abud’a 39:38

A mba ki yima ngal dubang ma his djivid’a ma lora ki mbul ma a vom yam sumina ki dubang ma his djivid’a ma ngala ki baru d’a ka ir ra avun zlub’ud’id’a mi.

Vama ndum mbeina 8:3

Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.

Ndumba 4:6

A tchuk baru ma duburok ma a lum ki bak azar ma aduk mbina kä ma a yum ala dofênina kamu, a bar baru d’a botlozid’a kam mbei mi. Bugola, a nik agu ma murguli ma hle ki zandu’îna ata b’alangâ.

Ndumba 4:10

A tinim kahle mam suma sunda pet kur baru ma duburok ma a lum ki bak azar ma aduk mbina kä ma a yum ala dofênina, a tinim kur azang ma gan ma a zi kahlenina.

Ndumba 4:12

A yo ahle suma a le ki sunda kur yima a tinim iram vama pet, a tchuguzi kur baru d’a botlozid’a, a d’ud’uzi ki baru ma duburok ma a lum ki bak azar ma aduk mbina kä ma a yum ala dofênina, a tinizi kur azang ma gan ma a zi kahlenina.