Ndumba 31:28 - Bible azumeina

²⁸ Aduk ahle suma a b’rawazi mi azigarîna ang pat aduk mi anu. Suma kikis vahl, ang pat tu; d’uwarâ kikis vahl, ang pat tu, nala, aduk amuzleina, aduk korona, aduk tumiyôna, aduk b’ogeina mi.

Ndumba 31:28 Referans Kwoze

Ndumba 18:26

Ang de mi suma hi Levi-na ala: Ma didina mi dala: Ata yima agi vagi dim ma Israel-lâ a handji mi an á hagizi djonina, agi pad’agi dima aduk ahle suma a handji dima ndazina á handjiya.

Ndumba 31:47

Aduk ahle suma a b’rawazi mi Israel-lîna, suma dok vahl, Moise mi pat aduk tu; d’uwarâ dok vahl, mi pat aduk tu mi d’igi Ma didina mi hum vuna na. Mi hazi mi suma hi Levi suma a nga ngom zlub’ud’a hi Ma didinid’ina.

Ndumba 31:30

Ad’uzi d’a ar mi Israel-lîd’a, suma dok vahl, ang pat tu; d’uwarâ dok vahl, ang pat tu mi anu, nala, aduk amuzleina, aduk korona, aduk tumiyôna, aduk b’ogeina, aduk d’uwar ma dingâ pet mi, ang yozi hazi mi suma hi Levi suma a tinizi á ngom zlub’ud’a hi an Ma didinid’ina.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 23:18

Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

1 Sunda Hamuleinid’a 18:11

David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

Josue 6:24

A ngal azì ma ngol máma woi kahle suma kuruma pet; a arî bege d’a hapa ki lora kahle suma a lazi ki kawei ma hleunina d’oze ahle suma a lazi ki kawei ma wuranina hol, a tchuguzi kur yima ngom ahlena hi Ma didinina.

Josue 6:19

Bege d’a hapa ki lora kahle suma a lazi ki kawei ma hleunina d’oze suma a lazi ki kawei ma wuranina nahle suma a tinizi irazi vazi mi Ma didinina, a mba tchuguzi ni kur yi mam ma ngom ahlena.

Ndumba 18:21

Ma didina mi de mi Aron kua ala: An he dim ma Israel-lâ a nga handjina mi suma hi Levi-na djona. Ni wurak ka yam sun mazid’id’a, nala, sun nda zlub’u d’a ngaf ta d’a azi nga lata.

Ad’u Tinda 14:20

Ei suburi Alo ma sä akulo ma kal tegles ma hang mang suma djangûna abongâ. Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.

Ndumba 31:29

Ahle suma ang pad’azi mi an ndazina, ang yozi hazi mi ma ngat buzuna Elazar.

Josue 9:27

Kur bur máma Josue mi tinizi ata sun nda ka aguna ki sun nda gul mbina mablaud’a hi Israel-lîd’a ki yima ngal ahle suma ngat buzuna hi Ma didinina ata yima mam mba mi manam yam simiyêma mi. A nga le sun ndata kua gak ini.

2 Sunda Hamuleinid’a 15:11

Kur bur máma a hahle suma a yozï hurumbina vama ngat buzuna mi Ma didina, nala, amuzleina 700 ki tumiyôna 7000 mi.