Ndumba 3:13 - Bible azumeina

¹³ Gro suma a vut avo’â pet a ni mana. Kur bur ma an ni tchi gro suma a vut avo’â hi Ezipte-na woi yam ambas mazid’ina, an tin gro suma a vut avo’â hi Israel-lîna irazi vazi mi anu. Le ni suma d’oze d’uwarâ a ni mana. An ni Ma didina.

Ndumba 3:13 Referans Kwoze

Wana ni Zla d’a Djivi d’a Luc mi b’irita 2:23

Ni d’igi a b’ir kur gata hi Salad’id’a na ala: Gor ma lara pî ma a vud’um avo’â, a mba tinim iram vam mi Salad’a.

Buzuk ka Abud’a 13:12

agi mba hagi grogi suma agi vud’uzi avo’â mi Ma didina, suma d’oze d’uwarâ. Suma andjofâ pet ni suma hi Ma didinina.

Buzuk ka Abud’a 13:2

Ang tin gro suma a vud’uzi avok aduk Israel-lîna pet irazi vaziya, kayam gro suma a vud’uzi avo’â pet, le ni suma d’oze d’uwarâ, a ni mana.

Sunda hi suma hi Levi-nid’a 27:26

Ma didina mi de kua ala: Sana mi ndak á tin d’uwar mam ma vut avo’â iram vam á hum mi an Ma didina d’i, kayam ahle suma a vut avo’â pet, le ni gor amuhlâ d’oze gor b’ëna d’oze gor timina, a tinizi ni irazi vazi mi an Ma didina da’.

Buzuk ka Abud’a 13:15

Kid’a Faron mi b’al hurum ad’enga mi min á arami á id’a d’uo d’a, Ma didina mi tchi gro suma Ezipte suma a vud’uzi avo’â woi pet, tinï ad’ud’a yam suma gak mi mba yam d’uwarâ. Gola! Ni kayam ndata ba, ami nga hami ahle suma andjof suma a vud’uzi avo’â mi Ma didina, ami nga mbud’umi yam gromi suma a vud’uzi avo’â pet wan mi.

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

Ezekiyel 44:30

Vud’agu ma ne avo’â kahle suma a handjina pet ni mazina. Avungô ma agi mba ilim avo’â, agi mba humî mi suma ngat buzuna. Hina wani, an mba ni b’e vunan yam aziyagiya.

Ndumba 18:15

Ahle suma a vut avo’â pet suma a mba handjina, sana d’oze d’uwarâ, a arî mangâ. Wani ang mbut yam gor ma a vud’um avo’â ki d’uwar ma ndjendje ma a vud’um avo’â mi.

Buzuk ka Abud’a 34:19

Gro suma agi vud’uzi avo’â pet ni mana, d’uwar magi ma ndjof ma a vud’um avok aduk amuzleinina d’oze aduk aho’îna ni mana.

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Nehemi 10:36

á mbami ki gromi suma vut avo’â ki d’uwar mami ma vut avo’â d’igi a b’ir kur Gata na, á mbami kamuzlei suma a vut avo’â kahok suma a vut avo’â mi suma ngat buzu suma a nga le sunda kur gong nga kud’ora hAlo mamid’ina,

Ndumba 3:41

Ang tinin suma hi Levi-na irazi vazi mi an Ma didina balum gro Israel suma a vud’uzi avo’â, ang tinin d’uwarâ hi suma hi Levi-na iram vam balum d’uwarâ hi Israel-lâ ma vut avo’â mi.

Ndumba 18:6

Gola! An man b’oziyogi suma hi Levi-na aduk Israel-lâ yam anu, an hagizi he d’a hawad’a á le sunda hi zlub’u d’a ngaf tad’id’a.

Ndumba 33:4

Ezipte-na a nga tos suma a vut avo’â pet suma Ma didina mi tchazi adigazina; Ma didina mi ka sariyad’a yam alo mazina mi.