Ndumba 27:18 - Bible azumeina

¹⁸ Ma didina mi de mi Moise ala: Ang ve Josue Nun gorom ma nga ki Muzu’îna, ang tin abong kamu.

Ndumba 27:18 Referans Kwoze

Gat ta a hat á mbàd’id’a 34:9

Josue Nun goroma mi oî ki muzuk ma ned’a, kayam Moise mi tin abom kamu. Israel-lâ a ge yazi kä avorom d’igi Ma didina mi he vuna mi Moise na.

Ndumba 27:23

Mi tin abom kam á vrak blangâm d’igi Ma didina mi hum vuna na mi.

Ad’u Tinda 41:38

Faron mi dazi ala: Ei ndak á fei sama nga ki Muzu’â hAlonina d’igi mam na na ko zu?

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Sunda hi suma a sunuzinid’a 19:6

Kid’a Paul mi tin abom kazid’a, Muzuk ma bei tchod’a ba na mi mba kaziya. Azi nde de zlad’a ki vuna hi sumina teteng, a nga djok vun zlad’a hAlonid’a woi mi.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

Gat ta a hat á mbàd’id’a 3:28

Ang he vuna mi Josue, ang hum ad’enga, ang siramu, kayam ni mam ba, mba mi tit avok sum ndazina, mba mi hazi ambas sa ang wat wanda djona.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Daniel 5:14

An hum ala Muzu’â hAlo ma bei tchod’a ba na mi nga kurungû, angî ma nga de woi yam ahle suma a nga mbana, angî ma wad’ud’a, angî ma ne ma kal teglesâ mi.

Suma ka sariyad’a 11:29

Muzu’â hi Ma didinina mi kak yam Jefte. Mi i yam andaga d’a Galät-ta kandagad’a hi Manase-d’a, mi kal mi i Mispe d’a kur andaga d’a Galät-tid’a á i yam andagad’a hi suma Amon-nid’a.

Hebre-na 6:2

yam hat ta yam batem mba tetenga kabo ma tin ma yam sanina, yam tchol la akulo aduk suma matnid’a ki sariya d’a didinda d’uo d’a.

1 Timote 5:22

Ang b’at tang á tin abong yam sama ding á tinim kur sunda avok Toka atogo zak ki. Ang le darigïd’a ki tchod’a hi sama ding nguo mi, wani ang gol tang ped’et.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

Sunda hi suma a sunuzinid’a 13:3

Ata yi máma, a d’el tazi bei te tena, a tchen Alona, a tin abozi kaziya, a arazi a iya.

Sunda hi suma a sunuzinid’a 6:6

A tinizi kä avok suma a sunuzina. Ata yi máma, suma a sunuzina a tchen Alona kaziya, a tin abozi kazi mi.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

Ndumba 13:16

Wana ni simiyê suma Moise mi sunuzi á d’u ambasina. Mi tin Ose ma Nun goromina simina ala Josue.

Ndumba 13:8

Ma ad’u andjafâ hi Efraim-mina ni Ose Nun goroma;

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Buzuk ka Abud’a 17:9

Ata yi máma Moise mi de mi Josue ala: Ang man suma, ang nde á dur Amale’â. Ndjivin an mba ni tchol yam ahinad’a akulo ki totogod’a hi Ma didinid’a abonu.

Gat ta a hat á mbàd’id’a 1:37

Ni kagi agi ba, Ma didina hurum mi zal kan mi dala: Ang mba kal kur ambas ndata d’uo mi.

Gat ta a hat á mbàd’id’a 31:3

Ma didina Alo magina tamba mba mi djak aluma avorogiya, mba mi dap andjaf suma a nga kaka sä abo aluma woi hina woi avorogiya. Agi mba digizi woyo, agi mba hlagi ambas mazid’a. Ni Josue ba, mba mi tit avorogi d’igi Ma didina mi de na.

Gat ta a hat á mbàd’id’a 3:21

Kur yi máma an he vuna mi Josue ala: Ang tang wahlena pet suma Ma didina mi lazi kamulei suma mbà ndazinina ki irangû. Ni hina ba, mba mi le ki leud’a pet ta agi mba igi latata.

Gat ta a hat á mbàd’id’a 31:14

Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a. Moise azi ki Josue djak a i tchol kur zlub’u d’a ngaf tad’a.

Josue 1:17

Ami mba gami yami kä avorong d’igi ami gami yami kä avok Moise na. Ar Ma didina Alo mangâ mi kak ki sed’eng d’igi mi kak ki Moise adjeu na mi.

1 Sunda Hamuleinid’a 7:27

Elisama mi vut Nun, Nun mi vut Josue.