Ndumba 26:54 - Bible azumeina

⁵⁴ Suma ablauna, a mba hazi yina ngola yam ablau mazid’a; suma akid’eina, a mba hazi yina akid’eid’a yam akid’ei mazid’a. Nge nge pî, a mba hum yina nata ndum mba a ndumumba.

Ndumba 26:54 Referans Kwoze

Ndumba 33:54

Agi b’rawagi ambasa ni ki togina ad’u andjavagiya. Suma ablauna, agi hazi yina ngola ad’u ablau mazid’a; suma akid’eina, agi hazi yina akid’eid’a ad’u akid’ei mazid’a. Andjaf ma lara pî, mba mi fe ni vama nde kam ki toginina. Agi mba fagizi djona nad’u andjafâ habuyogina.

Josue 17:14

Andjafâ hi Josef-fâ a mba de mi Josue ala: Ami suma Ma didina nga mi b’e vunam kami gak ini suma zulumi ablaud’ina. Ni kayam me ba, ang hami abo andagad’a hina tu go ge?

Ndumba 32:5

A dum kua ala: Le ang mina ni, ang hami ami azungeî mangâ ambas ndata djona, ar ami djagami sä woi abo alum ma Jurdê-na abo hî d’i.

Ndumba 32:3

Ambas sa Atarot-ta, d’a Dibon-nda, d’a Jazer-ra, d’a Nimra-d’a, d’a Hesbon-nda, d’a Elale-d’a, d’a Sebam-mba, d’a Nebo-d’a ki d’a Beyon-nda

Ndumba 26:53

A mba b’rawazi ambasa djona adigazi nad’u ablaud’a hi sumid’a.

Ndumba 35:8

Azì ma agi mba hum mi suma hi Levi-na aduk djona hi Israel-lîna, suma ablau suma a fe yina ngolina, a hazi yina ngola, suma akid’ei suma a fe yina akid’eid’ina, a hazi yina akid’eid’a mi. Nge pî mba mi he azina mi suma hi Levi-na nata djo ma mam fuma.

Josue 19:9

Andaga mazid’a kal kur ra hi suma hi Juda-nid’a, kayam suma hi Juda-na a hlandagad’a ngola. Ni kur andaga mazid’a ba, andjafâ hi Simeon-na mi fandagad’a djona kua.