Ndumba 24:1 - Bible azumeina

¹ Baläm mi we d’ala Ma didina tam mbi lum djivid’a á b’e vuna yam Israel-lâ d’a. Kayam ndata, mi i nga á djop d’igi mam i avok dei d’a hina d’uo d’a, wani mi mbut iram abo ma hur fulîna.

Ndumba 24:1 Referans Kwoze

Ndumba 23:23

Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Ndumba 23:3

Baläm mi de mi Balak ala: Ang tchol gen he d’a hawa manga ngala go, an hut tei dei. Dam Ma didina mi mba ini á ngavan kla. Bugola, an mba ni dang zla d’a mam mba mi tagandjid’a. Mi i akulo yam ahinad’a yat ta ked’iwurenga.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.

Ndumba 31:16

Ni azi ba, a ve d’alâ hi Baläm-ma, a tchuk Israel-lâ á le tchod’a avok Ma didina yam zlad’a hi Peyor-ra d’uo zu? Ata yi máma tugud’ei d’a tchod’a ti nde aduk ablaud’a hi Ma didinid’a.

Ndumba 23:28

Balak mi i ki Baläm akulo yam ahina d’a Peyor-ra yat ta ked’iwurenga ata yima gol sä hur fulâ woina.

Ndumba 23:20

Gola! A han vuna ná b’e vuna kaziya, kayam Alona mi b’e wa vunam kazi da’. An ndak á hulongôm mbei d’i!

Ndumba 23:15

Baläm mi de mi Balak ala: Ang tchol ka hî gen he mang nga hawa d’a ngala go, an i ni ngaf kAlona.

Ndumba 22:13

Baläm mi nde yorogo, mi de mi suma nglona hi Bala’â ala: Agi igi yam ambas magid’a, kayam Ma didina mi d’elen á i ki sed’egiya.

1 Samuel 26:25

Saul mi de mi David ala: Gorona, Alona mi b’e vunam kangû; sun nda ang lata pet ti labong djivid’a! David mi i yi mama; Saul mi hulong avo hatamu.

1 Samuel 26:2

Saul mi tchola, mi i hur ful ma Zif-fâ ki Israel suma a we durîna 3000 á hal David abagei hur ful ma Zif-fâ.

1 Samuel 24:20

Le sana mi fe mam ma djangûna ni, mi aram mi i yi mama ki halasa zu? Ar Ma didina mi wuragang yam vama ang lum ki sed’en ini wana!

Ndumba 22:7

Suma nglo suma Mowap-ma ki suma nglo suma Madiyan-na a iya, a yo he d’a hawad’a abozi mi sama djopa, a mbaza gen Baläm, a dum zlad’a hi Balak-ka.

Ndumba 23:30

Balak mi le d’igi Baläm mi dum na, mi hamuhlâ tu ki gamlâna tu yam yima ngal ahle suma ngat buzu ma lara ge gagang.