Ndumba 23:1 - Bible azumeina

¹ Baläm mi de mi Balak ala: Ang minin yima ngal ahle suma ngat buzuna kid’iziya ka hî, ang hanï amuzleina kid’iziya ki gamlâna kid’iziya mi.

Ndumba 23:1 Referans Kwoze

Ndumba 23:29

Baläm mi de mi Balak ala: Ang minin yima ngal ahle suma ngat buzuna kid’iziya ka hî, ang hanï amuzleina kid’iziya ki gamlâna kid’iziya mi.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Ezekiyel 45:23

Kur bur ma kid’iziya ma a le vun til máma kurâ pet, mam he amuzleina kid’iziya ki gamlâna kid’iziya suma bei daka ba na he d’a hawa d’a ngat buzu d’a ngala, mi he mbekmberena tu he d’a hawa d’a ngat buzuna yam tchod’a mi.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

2 Sunda Hamuleinid’a 29:21

A mba kamuzleina kid’iziya, gamlâna kid’iziya, gro tumiyôna kid’iziya ki mbekmberena kid’iziya á he he d’a hawa d’a ngala á zlup yam tchod’a hi leud’id’a, yam yima a tinim iram vama, yam suma Juda-na pet mi. Ezekiyas mi he vuna mandjafâ hi Aron suma ngat buzuna á ngat ahle ndazina buzuna yam yima ngal ahle suma ngat buzuna hi Ma didinina.

1 Sunda Hamuleinid’a 15:26

Ni ki ndjunda hAlonid’a ba, suma hi Levi-na a hleï zandu’â hi Ma didinina. A ngat amuzleina buzuna kid’iziya ki gamlâna kid’iziya mi.

2 Amuleina 18:22

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.

Ndumba 29:32

Kur bur ma kid’iziyana agi hagi amuzlei suma azungeîna kid’iziya, gamlâna mbà, gro tumiyô suma bizazi tutu suma bei dakina dogo yam fid’i

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Ndumba 22:41

Tcha yorogod’a Balak mi ve Baläm, mi djak ki sed’em akulo ata yima a yum ala Bamot-Bäl-lâ. Nata yima a we Israel-lâ brutna.

Ndumba 23:2

Balak mi le d’igi Baläm mi dum na. Balak ki Baläm a hamuhlâ tu ki gamlâna tu yam yima ngal ahle suma ngat buzu ma lara ge gagang.

Ndumba 23:30

Balak mi le d’igi Baläm mi dum na, mi hamuhlâ tu ki gamlâna tu yam yima ngal ahle suma ngat buzu ma lara ge gagang.