Ndumba 22:7 - Bible azumeina

⁷ Suma nglo suma Mowap-ma ki suma nglo suma Madiyan-na a iya, a yo he d’a hawad’a abozi mi sama djopa, a mbaza gen Baläm, a dum zlad’a hi Balak-ka.

Ndumba 22:7 Referans Kwoze

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Ndumba 24:1

Baläm mi we d’ala Ma didina tam mbi lum djivid’a á b’e vuna yam Israel-lâ d’a. Kayam ndata, mi i nga á djop d’igi mam i avok dei d’a hina d’uo d’a, wani mi mbut iram abo ma hur fulîna.

Ndumba 23:23

Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Ndumba 22:8

Baläm mi dazi ala: Agi i burugi ka hî. An mba ni hagi humba yam zla d’a Ma didina mba mi dandjid’a. Suma nglo suma Mowap-ma a ar kaka avo hi Baläm.

Josue 13:22

Aduk suma Israel-lâ a tchazi ki mbigeu d’a fiyakina, ma djopa Baläm Beyor goroma mi nga adigazi mi.

Ezekiyel 21:21

Ndak mbigeu d’a fiyak ka tena heîd’a, ndak ka irak abo ma ndjufâ, ndak ka irak abo ma gulana, ata yima lara ma ndak nga avogok kuana.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.