Ndumba 18:8 - Bible azumeina

⁸ Ma didina mi de mi Aron ala: Gola! An hang sun nda ngom he d’a hawa d’a Israel-lâ a nga handjid’a, an hangzi kahlena pet suma Israel-lâ a tinizi irazi vazina mi ang ki grongâ. A arî b’rau manga kandjavang ki iragi fafat.

Ndumba 18:8 Referans Kwoze

Sunda hi suma hi Levi-nid’a 6:16

He d’a hawa d’a afuta hi ma ngat buzunid’a pet, a ngalat teyo; ar sa mi tat ti.

Sunda hi suma hi Levi-nid’a 7:6

Mandjuf ma lara ma aduk suma ngat buzunina, mi mut hliu máma, mi mud’umî ata yima tu ma a tinim iram vam mi an Ma didinina, kayam ni vama a tinim iram vam ma kal tegles mi an Ma didinina.

Sunda hi suma hi Levi-nid’a 6:18

Ang i de mi Aron azi ki groma ala: Wana ni gat ta yam vama ngat buzu ma zlup yam tchod’ina: Nata yima a nga ngat vama a hum he d’a hawa d’a ngala kuana ba, mi i ngat vama a hum vama ngat buzuna á zlup yam tchod’ina kua avogon an Ma didina; ni vama a tinim iram vam ma kal tegles mi an Ma didinina.

Buzuk ka Abud’a 40:15

Ang vozi mbulâ kazi d’igi ang vom yam abuzi na; azi mba lan sun nda ngat buzuna mi. Mbul ma ang vozizi kazina, mba mi mbud’uzi ni suma le sun nda ngat buzuna burâ ki burâ kur atchogoi d’a lara ge pet mi.

Buzuk ka Abud’a 40:13

Ang tchuk baru ma a tinim iram vama ata Aron, ang vom mbulâ kamu; mi mba mi lan sun nda ngat buzuna.

Buzuk ka Abud’a 29:29

Aron le mi mit wa ni, baru d’a a tinit irat vata mba d’i arî mi grom suma a mba vrak blangâm kur sundina. Azi mba tchugut atazi ni kur bur ma a mba tinizi irazi vazi á kal kur sun nda ngat buzunid’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Gat ta a hat á mbàd’id’a 26:13

Ata yi máma agi dagi woi avok Ma didina Alo magina ala: Ma didina, ami yomi ahle suma a tinizi irazi vazina woi avo hatamiya, ami hazi mi ma hi Levi-na kangeina ki ma hokuyod’a katcha d’a modonod’a d’igi vun ma he ma pet ma ang huma na mi, ami tchilami nga d’oze marami nga vun mang ma he kä tu d’uo mi.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:6

Ni kua kolâ ba, agi mba hagi he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle magi suma agi hazina, he d’a hawa magi d’a á ndak vun vun ma hled’id’a, he d’a hawa d’a kur minda hi sanid’a zlapa ki d’uwar magi ma nglona ki d’uwar magi ma gurei ma vut avo’â mi.

Ndumba 18:9

Ahle suma a tinizi irazi vazi suma a nga handji suma a nga ngalazi kakud’a d’uo suma a mba arî mangîna ba wana: He mazi d’a hawa d’a afuta pet, ahle mazi suma ngat buzu suma zlup yam tchod’ina kahle mazi suma ngat buzu suma yam tchilad’ina. Ahle suma a tinizi irazi vazi ndazina pet a mba arî mi ang ki grongâ.

Sunda hi suma hi Levi-nid’a 21:10

Ma ngat buzu ma ngol ma yam b’oziyoma ma a manam a vom mbulâ kam a tinim iram vam yam sun ndata ma a tchugum baru ma a tinim iram vama atama, mi ar yam mbei hawa d’uo, mi haû baru ma atama woi d’uo mi.

Sunda hi suma hi Levi-nid’a 8:30

Moise mi hle mbul ma a vom yam sumina ki buzu ma nga yam yima ngal ahle suma ngat buzunina, mi yamam yam Aron ki baru mamba. Bugola, mi yamam yam Aron groma ki baru mazina mi. Ni hina ba, mi tinizi irazi vazi mi Ma didina ki baru mazina mi.

Sunda hi suma hi Levi-nid’a 6:20

Vama lara ma mi do hliu va mámina, mba mi mbut ni vama a tinim iram vam mi an Ma didinina. Le buzuna hi vama a ngad’am máma mi do ata baruna ni, mi mbuzumî ata yima tu ma a tinim iram vam ma kal tegles mi an Ma didinina.

Buzuk ka Abud’a 29:21

Ang go buzu ma yam yima ngal ahle suma ngat buzunina do ki mbul ma a tinim iram vama mi. Ang yamazi yam Aron ki baru mamba, yam groma ki baru mazina mi. Ni hina ba, ang mba tin Aron iram vam ki baru mamba, ang mba tin groma irazi vazi ki baru mazina mi.

1 Korente-na 9:13

Agi wagi tetet ala suma a nga le sunda kur gong nga kud’ora hAlonid’ina, a nga fe te mazina ni kua. Suma a nga ngat ahlena ata yima ngal ahle suma ngat buzunina, a fe te mazina ni kua mi.

Sunda hi suma hi Levi-nid’a 7:14

Mi hle vun he d’a hawa d’a lara ge pet, mi tagat akulo mi an Ma didina; he d’a hawa ndata mba d’i arî mi ma ngat buzu ma mi yam buzuna hi vama mi ngad’am á zlap darigïd’a yam yima ngal ahle suma ngat buzunina.

Sunda hi suma hi Levi-nid’a 7:28

Ma didina mi de mi Moise kua ala:

2 Sunda Hamuleinid’a 31:4

Mi de mi suma Jerusalem-ma ala a hahlena mi suma ngat buzuna ki suma hi Levi-na, kayam a fad’enga á tit kur gata hi Ma didinid’a memet.

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Buzuk ka Abud’a 29:28

Ahle ndazina a arî b’raud’a hi Aron azi ki gromid’a. Ti arî gat ta Israel-lâ a mba tit kat burâ ki burîd’a, kayam ni vun ahle suma pat suma Israel-lâ a mba pad’azi kur ahle mazi suma ngat buzu suma zlap darigï suma a mba handjï mi an Ma didinina.

Sunda hi suma hi Levi-nid’a 23:20

Ma ngat buzuna mi gazazi akulo zlapa kavungôna hawu ma ne avo’â ki tumiyô suma mbàna, mi tinizi irazi vazi mi an Ma didina; a arî mama.

Ndumba 5:9

He d’a hawa d’a a tinit irat vat ta Israel-lâ a pad’at aduk he d’a hawa d’a a nga hata pet ni hi ma ngat buzunid’a.

Gat ta a hat á mbàd’id’a 18:1

Moise mi de kua ala: Suma ngat buzu suma hi Levi-na kandjafâ hi Levi ma dingâ pet, a mba fe b’raud’a d’oze djona aduk Israel-lâ d’i. Te mazina nahle suma ngat buzu suma ngal suma a mba hazi mi Ma didinina.

2 Amuleina 12:16

Wani bege d’a ding nga suma a hat he d’a hawa d’a yam tchilad’a hi sanid’a ki bege d’a a hat yam tcho d’a sana mi lata, a nga tchugut kur zandu’â d’i; bege ndata ni hi suma ngat buzunid’a.

2 Sunda Hamuleinid’a 31:5

Kid’a zla ndata ti b’rau woi aduk suma peta, Israel-lâ a he geme ma ne avo’â, süm guguzlud’a, mbulâ, mbul ayuma kahlena pet suma a zumuzi kur asinenina, a mba ki dima hahlenina pet mi.