Ndumba 18:6 - Bible azumeina

⁶ Gola! An man b’oziyogi suma hi Levi-na aduk Israel-lâ yam anu, an hagizi he d’a hawad’a á le sunda hi zlub’u d’a ngaf tad’id’a.

Ndumba 18:6 Referans Kwoze

Ndumba 3:9

Ang he suma hi Levi-na mi Aron azi ki groma. Ar Israel-lâ a tinizi irazi vaziya.

Ndumba 3:45

Ang tinin suma hi Levi-na irazi vazi mi an Ma didina balum gro Israel suma a vud’uzi avo’â, ang tinin d’uwarâ hi suma hi Levi-nina iram vam mi an balum d’uwarâ hi Israel-lâ ma a vut avo’îna. Suma hi Levi-na ni sum mana, kayam an ni Ma didina.

Ndumba 3:12

Ni an ba ni man suma hi Levi-na aduk Israel-lâ á vrak balum gro suma a vut avo’â hi Israel-lîna á kak sum mana.

Ezekiyel 34:20

Ni kayam ndata ba, an Salad’a Ma didina ni dala: An mba ni ka sariyad’a aduk tumiyô suma d’orâ ki suma itna.

Ezekiyel 34:11

Ma didina mi dala: Gola! Ni an tanda ba, mba ni pol tumiyô mana, an mba ni tin iran kaziya.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 48:15

Anu, an de wa. An yumu, an mbamu; sun mamba mba d’i labom djivid’a.

Buzuk ka Abud’a 31:6

An hum sama ndjunuma; ni Oholiyap Ahisamak gorom ma ad’u andjafâ hi Dan-nina. An he ned’a mi suma d’alâ pet, kayam azi lahlena pet suma an hang vuna kazina:

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Ad’u Tinda 9:9

Ki tchetchemba, an nga ni djin vunan ki sed’egi kandjavagi ma nga mi mba blogogina,

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,

Ndumba 3:6

Ang mbeï ki suma hi Levi-na, ang hazi abo ma ngat buzuna Aron, kayam azi le sunda abomu.

Ndumba 3:13

Gro suma a vut avo’â pet a ni mana. Kur bur ma an ni tchi gro suma a vut avo’â hi Ezipte-na woi yam ambas mazid’ina, an tin gro suma a vut avo’â hi Israel-lîna irazi vazi mi anu. Le ni suma d’oze d’uwarâ a ni mana. An ni Ma didina.