Ndumba 18:3 - Bible azumeina

³ Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 18:3 Referans Kwoze

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 3:36

Suma hi Merari-na a hazi agu ma bebed’ena hi zlub’ud’ina ki kawei ma ad’um kä na, kawei ma lata ma atama, agu ma murguli matna ki kawei ma ad’um kä na kahle mat suma sunda kahle suma atatna pet mi.

Ndumba 3:31

A hazi sun nda ngom zandu’â hAlonina, tabul ma a tin avungôna kama, agu lalamba, yima ngal dubang ma his djivid’ina, yima ngal ahle suma ngat buzuna, ahle suma a le ki sunda kur yima a tinim iram vama kahle suma a lum ki sunuma ki baru d’a ka ir ra kurut krovod’a kahle suma a le ki sunda kurutna pet mi.

Ndumba 3:25

Wani a he sunda hi zlub’u d’a ngaf tad’id’a nabo Gerson groma, nala, barud’a hi yi mat ma a tinim iram vama, baru d’a kat akulod’a pet, baru d’a ka ir ra avunata,

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 1:51

Fata agi djogogi zlub’ud’id’a, ni suma hi Levi-na ba, a hôt tei ni aziya. Ata yima agi i kagagi kuana, ni suma hi Levi-na ba, a djugud’ot akulo ni azi mi. Le sama ding mi hut go ki sed’ed’u ni, agi tchum mbeyo.

Ndumba 18:4

Azi mba kak ki sed’engû, a ngom ahlena hi zlub’ud’ina, a lat sunut pet mi. Sama ding mi tchila gevegi d’i.

Ndumba 31:30

Ad’uzi d’a ar mi Israel-lîd’a, suma dok vahl, ang pat tu; d’uwarâ dok vahl, ang pat tu mi anu, nala, aduk amuzleina, aduk korona, aduk tumiyôna, aduk b’ogeina, aduk d’uwar ma dingâ pet mi, ang yozi hazi mi suma hi Levi suma a tinizi á ngom zlub’ud’a hi an Ma didinid’ina.

Ezekiyel 44:13

Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.