Ndumba 15:30 - Bible azumeina

³⁰ Wani le ni ma Israel-lâ d’oze angeina, mi le tchod’a kur min mamba ni, mi golon ni is; a mba pad’am mbei aduk sum mama.

Ndumba 15:30 Referans Kwoze

Hebre-na 10:26

Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a.

Sawal la giled’a 19:13

Ni nge ba, mi ndak á we vama mam lum ata yam mbuo na ge? Ang vat hurung ngei yam vama an lum ir vitina.

Gat ta a hat á mbàd’id’a 1:43

An dagiya, wani agi humugi nga d’i. Agi tchilagi yam vun ma hed’a hi Ma didinina, agi djagagi akulo yam ahinad’a ki subur tad’a.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Matiye 12:32

Sama nga ni lazan an Gor Sanina, Alona mba mi vat hurum mbei kamu, wani sama nga mi las Muzuk ma bei tchod’a ba nina, Alona mba mi vat hurum mbei kam kur atchogoi d’a wanda d’oze ta nga d’i mbad’a d’uo mi.

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

Sawal la giled’a 89:51

Salad’a, ang djib’er yam ngula hazungeî mangîd’a, ang djib’er yam suma ablau suma an nga ni zizi didigan pet wana.

Sawal la giled’a 79:12

Salad’a, ang wurak suma a nguyumina yam ngul la a ngulunga wuwurak yang kid’iziya.

Sawal la giled’a 74:22

Alo mana, ang tchol akulo, ang de woi yam zla manga, ang djib’er yam ngul la andjaf suma lilid’a a nga ngulung burâ ki burîd’a.

Sawal la giled’a 74:18

Ma didina, ang djib’era! Ma djangûna nga mi ngulungû, andjaf ma lilid’a nga mi panang simiyêngû.

Ndumba 9:13

Le sana mi yed’et mi i nga akoid’a d’uo ba, mi d’el tam mbei á le vun til ma Pa’â ni, sa máma a mba pad’am mbei aduk sum mama; kayam mi he nga he d’a hawad’a mi an Ma didina kur bur ma a ngama d’i, sa máma mba mi zi aneka hi tcho mambid’a kamu.

Buzuk ka Abud’a 21:14

Wani le sana mi tchi ndrama ni kur min mamba ki lemba ni, le mi ngei tam nata yi man ma ngal ahle suma ngat buzuna pî, agi vum tchumu.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Sawal la giled’a 69:9

Ni kayam ang ba, an mbut sama dingâ ir b’oziyona, an mbut angeina ir b’oziyon suma asuyona mi.

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Sunda hi suma hi Levi-nid’a 20:6

Le sana mi i avun suma a nga djop ki suma azuleinina d’oze suma a nga de zlad’a yam ahle suma a nga mbana á mbut tam ndjendjed’a ki sed’eziya ni, an mba ni mbut iran ata sa máma, an mba ni pad’am mbei aduk sum mama.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Ad’u Tinda 17:14

Wani sama a ngad’am nga bayâd’a d’uo na, an mba ni pad’am mbei aduk sum mana, kayam mam b’la’î vun ma djin mana.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

Ndumba 15:29

Gat ndata ni yam suma pet suma a mba le tcho d’a bei wat ad’utina, yam Israel-lâ d’oze yam angei ma nga kaka adigagina mi.

Gat ta a hat á mbàd’id’a 32:27

Wani an nga ki mandarâ ala mazi suma djangûna a mba lazanu, a mba djib’er ala ni azi ba a le sun nda ndandal ndata, a mba djib’er ala ni an ba ni lat tuo.

1 Samuel 2:25

Le sana mi le ndrama tchod’a ni, Alona mi ndak á kazi ir zla ndata. Wani le sana mi le tchod’a mi Ma didina ni, ni nge ndak á kazi ir zla ndata ge? Wani azi nga hum zlad’a habuzid’a d’i, kayam Ma didina mi min wa tam á tchazi woyo.

Wana ni mbaktumba hi Job-pa 38:15

Suma asa’atna b’o mazid’a nga d’i b’o kazi d’uo d’a, abozi ma a hlum akulona, mi kus seyo.

Ezekiyel 20:27

Ma didina mi de kua ala: Ni kayam ndata ba, ang gor sana, ang de mi Israel-lâ ala: Salad’a Ma didina mi dala: Abuyogi ngolo a ngulun ata yima a tak tazi woi ala azi ni suma bei d’engzengâ avoronu na.

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.

1 Samuel 3:14

Kayam ndata, an gun tan yam suma hi Eli-na ala: Vama ngat buzu d’oze he d’a hawa d’a ndak á pat tcho mazid’a woid’a nga d’i.